Железото е многу важен нутриент кој е неопходен за раст и развој на детето, а некои деца го немаат доволно, поради што се изложени на ризик да развијат состојба наречена анемија. Според клиниката „Мајо“, доколку не се препознае навреме, може да има сериозни последици.
Знаците на недостаток на железо вклучуваат бледа кожа, замор, ладни раце и нозе, забавен раст и развој, слаб апетит, забрзано дишење, проблеми со однесувањето, чести инфекции и невообичаена желба за работи како мраз, земја, песок, хартија и слично
Најголем ризик од недостаток на железо имаат бебињата кои се родени предвреме или имаат мала родилна тежина, доените бебиња кои не добиваат дохрана што содржи железо по 6-месечна возраст, бебињата кои пијат адаптирано млеко што не е збогатено со железо, децата на возраст од една до пет години кои пијат повеќе од 710 милилитри кравјо, козјо или млеко од соја дневно, децата кои имаат одредени здравствени состојби како што се хронични инфекции или ограничена исхрана, децата кои не јадат доволно храна богата со железо и децата кои се со прекумерна тежина.
Лекарите предупредуваат дека и тинејџерките се изложени на поголем ризик од недостаток на железо бидејќи нивното тело губи железо за време на менструацијата.
Кои се знаците на недостаток на железо кај децата?
Недостатокот на железо може да влијае на способноста на детето да функционира добро во текот на денот. Сепак, повеќето знаци на недостаток на железо кај децата не се појавуваат додека не дојде до анемија предизвикана од овој недостаток, кој не бил препознаен навреме.
Лекарите предупредуваат дека и тинејџерките се изложени на поголем ризик од недостаток на железо бидејќи нивното тело губи железо за време на менструацијата
Знаците на недостаток на оваа важна хранлива материја вклучуваат бледа кожа, замор, ладни раце и нозе, забавен раст и развој, слаб апетит, забрзано дишење, проблеми со однесувањето, чести инфекции и невообичаена желба за работи како мраз, земја, песок, хартија и слично.
