На бебе кое нема наполнето шест месеци, не треба да му се дава чај. Истражувањата покажале дека чајот, без разлика на видот или вкусот, не е здраво најмалите да го консумираат.
Доколку постои оправдана потреба, како на пример за олеснување на варењето или смирување на стомачето, на бебето може да му се даде чај, но по четвртиот месец од раѓањето. Педијатрите потенцираат дека е многу важно да се внимава на дозирањето. Метаболизамот на бебето е многу чувствителен, па затоа мала шолја чај е сосема доволна во текот на целиот ден.
Се препорачува давање на незасладен чај, во мали количини, а обично се во прашање чаеви кои ја олеснуваат дигестијата.
Од сите билни чаеви кои постојат, најдобри за новороденче се чај од камилица, чај од анасон, како и чај од липа. Се покажало дека нивната корисност е максимална, а штетност речиси и да нема кога се во прашање мали бебиња.
Ако сепак, во претходна консултација со педијатар, сте одлучиле на бебето да му понудите чај, се препорачува тоа да се направи еден час пред или по оброкот, за да нема негативно влијание на апсорпцијата на хранливите состојки.
