Со летото и топлото време, коронавирусот не исчезна, како што многумина се надеваа. Напротив. Во тек е сезоната на одмори, па многумина се прашуваат дали е безбедно и дали може да се заразиме со COVID-19 додека пливаме? Oдговорот го дава д-р Дијана Нонковиќ, епидемиолог од Сплит
♦♦♦♦♦♦♦
Според Американскиот центар за превенција и контрола на болести (CDC), нема доказ дека луѓето би можеле да се заразат со рекреативно пливање, а ризикот од пренесување на коронавирус преку вода e многу низок.
Според CDC и Агенцијата за заштита на животната средина докажано e дека базените не претставуваат опасност во однос на коронавирусот бидејќи хлорот во водата го уништува вирусот.
Иако е докажано дека не можеме да се заразиме со рекреативно пливање, експертите се загрижени за физичката дистанца. Тие исто така се загрижени и поради споделувањето на пијалаци со други лица, пишува ABC News.
Експертите препорачуваат носење на маска кога сте надвор од водата. Исто така, ако се сомневате на корона, воопшто и не треба да одите на плажа. Со себе треба да носите средства за дезинфекција, да избегнувате контакт со други луѓе и редовно да ги миете рацете.
Иако е докажано дека не можеме да се заразиме со рекреативно пливање, експертите се загрижени за физичката дистанца на плажите
„Епидемиолозите не мислат дека станува збор за посебна опасност, ако се придржуваме кон основните мерки, а тоа е физичка дистанца, секој да има свој простор. Секако ова не важи за семејствата, тие се заедно и онака секој ден. Се препорачува да се оди на море, тоа може да биде одлична физикална терапија“, изјави епидемиологот д-р Дијана Нонковиќ за RTL.
Таа уште еднаш повтори дека вирусот се пренесува преку капки и дека ако сме во затворен простор со заразено лице и во близок контакт има малку шанси да не се заразиме. Таа исто така додаде дека не постои опасност од заразување со вирусот во базен.
„Базените се третираат со хлор, а COVID-19 е чувствителен на сите препарати на хлор, така што водата дезинфицирана во базенот штити од COVID-19“, вели д-р Нонковиќ.
Во морето евентуално е можна зараза од вируси и бактерии кои се пренесуваат по фекално-орален пат.
„Децата што седат во плиткото и голтаат вода може да се заразат со цревни заразни болести. Вирусот е комплетно нов, истражувањата сè уште се спроведуваат. Според сè досега, навистина има минимална шанса да се заразиме во море“, заклучува епидемиологот.
