И покрај различните неосновани митови, вежбањето додека доите не го намалува производството на млеко и е безбедно за мајките. За жените да се чувствуваат пријатно, се советува да го нахранат бебето или да се измолзат пред вежбање за да се избегне непријатното чувство на исполнетост на градите. Соодветната хидратација е неопходна за сите доилки, а особено за мајките кои одлучуваат да се вратат на вежбање.
Вежбањето помага да се поврзете со бебето
Враќањето на вежбање по породувањето ќе им помогне на исцрпените жени да ја вратат енергијата и силата, а лесната физичка активност го намалува ризикот од постпородилна депресија. Бидејќи го подобрува расположението, вежбањето ќе обезбеди и подобра поврзаност со бебето, и покрај предизвиците на раното мајчинство.
Вежби кои можат да бидат погодни за доилки се постпартум јога, пилатес, пешачење, пливање, возење велосипед и лесни вежби за сила.
Вежбите можете да ги правите и дома
На почетокот, можеби немате доволно енергија или време за вежбање и тоа е во ред. Обидете се да воспоставите рутина со кратки сесии за вежбање, а потоа зголемете го времетраењето како што се зголемува вашата кондиција.
Доколку немате можност, време или волја за вежбање во некое студио, на интернет можете да најдете голем број препораки за едноставни вежби кои можете да ги изведувате дома, додека бебето спие или додека си играат заедно на подот. Постојат голем број на вежби кои можете да ги правите токму во друштво на вашето бебе.
За време на вежбањето избегнувајте премногу тесна облека и градници за да не ги блокирате млечните канали и да не предизвикате болка во градите. Ако во кој момент почувствувате тешка непријатност, абдоминална болка, крварење или невообичаен исцедок, престанете да вежбате и консултирајте се со вашиот гинеколог.
