“Јади овошје!” Речиси и да нема мајка која не ја кажува оваа реченица секој ден, особено во летните месеци кога се е полно со сезонско свежо овошје. Меѓутоа, како и со се друго – не треба да претеруваме ниту со овошјето.
Детската нутриционистка Менди Сахер за порталот Babyology објаснува дека умереноста е клучна за здравјето, а така е и кога станува збор за овошјето.
„Овошјето е супер здраво, но и со него можеме да претераме“, објаснува нутриционистката и додава дека родителите треба да се стремат кон две порции дневно за децата, но ако се многу активни – тој број може да го зголемат на три.
Реален проблем проблем настанува кога овошјето почнува да заменува друга храна или кога се јаде со секој оброк во денот. „Многу луѓе јадат овошје после секој главен оброк, но важно е грицките и оброците да бидат одвоени. Фокусирајте се на протеините и зеленчукот за време на оброците, а овошјето зачувајте го за наутро или попладне“.
Кое е „најдобро“ овошје за децата?
Нутриционистката нагласува дека секое овошје има свои придобивки, но добро општо правило е да се изберат оние кои природно имаат помалку шеќер, како што се бобинките. Таа, исто така, додава дека е важно да се избира свежо, цело овошје наместо обработеното на кој било начин.
“Децата треба да јадат храна што е што е можно поприродна и блиска до природата. Избегнувајте ужини како преработено суво овошје. Иако сувото овошје треба да ги содржи сите витамини и минерали кои може да се најдат во свежото овошје ако се суши природно – тоа станува нездраво ако се суши по хемиски пат со додавање на конзерванси или дополнителен шеќер. Подобро дајте им свежо овошје во цела форма, особено ако е сезонско, на тој начин ќе се погрижите детето да ги добие сите хранливи материи“, објаснува таа.
