Откако примиле само една доза на вакцина против COVID-19, луѓето кои претходно биле заразени со вирусот покажале нивоа на антитела еднакви или над оние на луѓето кои ги примиле двете дози, но никогаш не биле заразени со вирусот, се вели во студијата објавена во понеделникот, пишува „Си-Ен-Ен“.
Како е спроведено истражувањето: Во студијата учествувале 109 приматели на вакцини, од кои 41 претходно биле заразени со вирусот
Оние со претходни инфекции, исто така, се чини дека имаат повеќе генерализирани несакани ефекти по примање на првата доза, како што се замор, треска и болка во мускулите – слично на она што може да се очекува да го имаат другите луѓе по примање на втората доза на mRNA вакцина, напишаа истражувачите.
Авторите на оваа студија, која се уште не е рецензирана, тврдат дека промената на политиката за вакцинација и давање на само една доза на овие лица „ќе ги поштеди од непотребна болка и ќе ослободи многу итно потребни дози на вакцини“.
Како е спроведено истражувањето: Во студијата учествувале 109 приматели на вакцини, од кои 41 претходно биле заразени со вирусот.
Студијата не прецизира која вакцина ја примиле учесниците или колку била тешка нивната болест кога биле заразени со вирусот.
Луѓето кои претходно не биле заразени со вирусот покажале „релативно низок“ одговор на антитела во првите девет до 12 дена по вакцинацијата, велат истражувачите.
Луѓето со претходни инфекции брзо развиле висок титар на антитела „во рок од неколку дена“, кои на моменти биле 10 до 20 пати поголеми.
Студијата не демонстрира дали тоа резултирало со поголемо ниво на заштита од заразување, а во тек се студии за понатамошно следење.
Од Американскиот центар за контрола и превенција на болести CDC велат дека луѓето треба да се вакцинираат дури и ако имале COVID-19, бидејќи сè уште не е јасно колку трае заштитата на антителата. (Си-Ен-Ен)
