Учењето на децата за правилата на однесување не само што развива почит кон другите туку и создава основа за мирни социјални интеракции. Постојат одредени основни правила кои треба да ги знаат сите деца, а токму нивните родители треба да ги подучат.
Децата треба да знаат дака не смеат да ги прекинуваат другите додека зборуваат
Учењето на децата за важноста да не ги прекинувате другите за време на разговорот е важно уште од рана возраст. Родителите треба да ги научат да го почекаат својот ред да зборуваат, развивајќи трпение и активно слушање. Исто така, потребно е да ги научите да не влегуваат на други во збор, со што децата ќе научат да ги ценат туѓите мислења и да ги почитуваат другите за време на разговорите.
Потребно е да научат да се чистат по нив
Од играчки расфрлани на подот до садови оставени на масата, учењето на децата да исчистат сами зад себе им влева чувство на одговорност. Учењето да исчистат зад нив од мали нозе ќе им остане навика и во иднина. Таквите деца ќе бидат помалку неуредни и нема да живеат опкружени со неред. Ќе ја научат вредноста на уредноста и почитувањето на сопствениот, како и на заедничкиот простор.
На другите луѓе треба да им се обраќаме со почит
Зборувањето со другите со почит ја надминува исклучивата употреба на пристоен говор. Тоа вклучува покажување обѕир кон чувствата и перспективите на другите. Родителите треба да ги поттикнат децата да се изразуваат без да користат навредливи или зборови без почитување и да создадат разговор полн со почитување и разбирање.
Да чекаат на својот ред
Учењето на децата да чекаат на ред е вредна лекција која ќе има влијание врз нивните животи во иднина. Чекањето на ред може да се примени во различни животни ситуации, како на пример чекање ред во продавница, во пошта или додека се игра наизменично со други деца.
Потребно е да се научат дека треба да побараат дозвола
Учењето на децата да бараат дозвола пред да земат или користат нешто, го зајакнува концептот на почитување на границите. Без разлика дали станува збор за позајмување играчка или влегување во нечиј личен простор, барањето согласност промовира меѓусебно почитување и воспоставува здрави односи.
Родителите треба да ги научат да споделуваат
Споделувањето играчки, грицки или искуства ги учи децата на дарежливост и соработка. Родителите треба да ги охрабруваат децата и да ги научат да споделуваат различни работи со браќата, сестрите и пријателите, учејќи ги за радоста на давањето и чувството на заедништво.
