Пријавувањето за вакцинација против сезонски грип започнува од денеска преку страницата vakcinacija.mk
Министерството за здравство утрово информираше дека набавило 40.000 дози четиритипни вакцини против сезонски грип, наменети за следните ризични групи:
- Стари лица (над 65 години);
- Лица со хронични заболувања;
- Здравствени работници;
- Бремени жени;
- Децата на возраст од 6 месеци до 5 години.
Вакциницијата против грип не штити од Ковид 19, но истата е многу значајна во услови на пандемија со Ковид 19 и влијанието на здравствениот систем
Вакцината за овие групи граѓани е бесплатна. За да се пријавите нема потреба да се јавувате на матичниот лекар, туку истото може да го сторите од денеска преку страницата vakcinacija.mk.
Со пополнување на формата се регистрирате за вакцинација директно во системот „Мој термин“. Согласно распоредот предвиден во планот за вакцинација, по пат на СМС ќе добиете информација за точниот датум и час кога треба да се вакцинирате на пунктот кој ќе го изберете при регистрацијата, информираат од МЗ.
Од Министерството истакнуваат дека поради зголемената побарувачка на вакцини против грип на глобално ниво, се прават напори количините на вакцини да пристигнат во што побрз рок.
„Нагласуваме дека не е доцна, граѓаните да се вакцинираат против грип во ноември или декември, бидејќи согласно епидемиолошките податоци, оваа болест во последните десетина сезони го достигнува пикот кон крајот на месец февруари. Вакциницијата против грип не штити од Ковид-19, но истата е многу значајна во услови на пандемија со Ковид 19 и влијанието на здравствениот систем. Во состојба на олабавување на рестриктивните мерки кога се враќаат социјалните контакти и патувањата се зголемува ризикот од коциркулација на Ковид-19 и грип. Со тоа може да очекуваме оптоварувањето од сезонскиот грип да биде надополнето со оптоварувањето од Ковид-19.
Ризичните групи за грип, се истите кои се под најголем ризик и од Ковид 19, поради што се препорачува вакцинација против грип на истите. На тој начин ќе се избегне и дополнително оптоварување на здравствениот систем, бидејќи лицата заболени од грип би се хоспитализирале во ковид центрите“, се вели во соопштението од МЗ.
