Ако сте во бремена, веројатно веќе сте се наслушнале или ќе слушнете разни приказни за породувањето. Ќе слушнете многу работи кои воопшто не сакате да ги слушнете, но се чини дека луѓето се незапирливи во давањето несакани совети на трудниците, како и во споделувањето на нивните искуства.
Ваквото пренесување на различни искуства некако создаде многу митови за породувањето во кои многу трудници и денес веруваат, а ние ги објаснуваме најчестите заблуди.
Поттикнување породување на природен начин
Работите како одење, хипноза и акупунктура, јадење зачинета храна или уживање во интимни односи, некогаш се сметале за начини за природно поттикнување на породувањето. Меѓутоа, не постојат никакви докази кои одат во прилог на ефикасност, па затоа треба да се консултирате со вашиот лекар пред да се обидете да предизвикате породување по природен пат.
Бебињата се смируваат пред раѓањето
Движењата на бебето не се намалуваат и не се зголемуваат непосредно пред породувањето. Треба да можете да ги чувствувате движењата на бебето во стомакот до породувањето, па дури и за време на породувањето.
Природно породување по царски рез
Постои мислење дека после царски рез жената не може да се породи природно, но тоа не е точно. Многу трудници можат да се породат природно по претходен царски рез. Ако тоа е ваша желба, треба да разговарате за тоа со вашиот лекар на почетокот на бременоста, за да можете заедно да одлучите дали тоа е вистинскиот избор за вас, што зависи од причините за претходниот царски рез, колку време поминало оттогаш претходното породување…
Епидуралот ги зголемува шансите за царски рез
Распространето е мислењето дека ублажувањето на породилните болки со епидурал го зголемува ризикот од породување со царски рез, но ова е мит. Вистина е дека може малку да ги зголеми шансите за користење на вакуум или форцепс за време на породувањето.
Широките колкови и малото бебе го олеснуваат породувањето
Веројатно сте слушнале приказни за жени со пошироки колкови кои полесно се породуваат. Меѓутоа, ширината на колковите нема многу врска со начинот на породување. Поентата е во тоа што карлицата се состои од коски и лигаменти кои се движат и опуштаат при породувањето за да може бебето полесно да помине. Исто така, коските на главата на бебето не се целосно споени, туку се прилагодуваат и поместуваат за полесно поминување низ породилниот канал.
Исто така, не е точно дека големината на бебето влијае раѓањето да биде повеќе или помалку болно, но да речеме положбата на бебето во родилниот канал може значително да влијае на текот на раѓањето.
