Кога конечно на семејството и пријателите сте им ја соопштиле радосната вест дека сте бремена, сте биле опсипани со пораки, а сите со најдобра намера: “Честитаме!“, “Многу сме возбудени за вас!“. А, некои ќе почнат да ве предупредуваат. “Наспијте се додека можете, оти кога бебето ќе се роди…“.
Кога ќе дојде бебето, првиот проблем со кој се соочувате е недостатокот на сон. Се разбира, очајно ќе пребарувате на интернет за сите достапни совети. Но, постојат некои митови кои се провлекуваат низ текстовите за спиењето со децении, а на кои решивме да ви обрнеме внимание, со цел да ви помогнеме да заштедите драгоцено време, кое можете да го искористите за спиење.
МИТ 1: Ако бебето предолго спие денски, ќе биде будно цела ноќ
ФАКТ: Ова е главно невистинито. Сигурно сте ја слушнале изреката „сонот раѓа сон“, а тоа е затоа што на бебињата им треба многу сон, а некои новороденчиња дремат и до 18 часа на ден. Ако ја пронајдете вистинската рамнотежа помеѓу дневниот и ноќниот сон, вашето дете всушност ќе спие повеќе бидејќи е добро одморено – а вие во тој процес ќе имате часови непрекинато слободно време! Спротивно на тоа преуморното бебе ќе протестира и потешко ќе го заспие. Повеќето бебиња на возраст под шест месеци не треба да бидат будни повеќе од 2 до 2,5 часа истовремено. Накратко: Не го будете бебето, во никој случај!
МИТ 2: Куси дневни спиење, непроспиени ноќи
ФАКТ: Не нужно! Навистина зависи од тоа дали бебето е уморно или не е. Ако бебето навечер се буди секој час, а кусо дреме во текот на денот, преуморно е. Ако бебето ноќе добро спие (3 до 5 часа во еден акт), а денски дреме (обично 30 до 45 минути неколку пати), не е преуморно. Често родителите сакаат да постигнат стандард од 2 до 3 часа дневно спиење во еден акт. Но, еве го фактот: Додека бебето не наполни 6 месеци, долгото дневно спиење можеби нема да биде можно! Затоа, земете воздух и научете правилно да реагирате на првите знаци на поспаност, оти тоа најверојатно ќе го зачува вашиот вечерен сон.
МИТ 3: Легнување подоцна, подолго спиење наутро
ФАКТ: Ова е НЕ. Децата имаат природен ритам, еден вид внатрешен часовник кој му кажува на телото кога да се разбуди, а кога да спие. Она што им го кажува телото е дека сакаат рано да заспијат и рано да се разбудат. Подоцното легнување обично завршува со губење на сонот бидејќи децата и онака ќе станат во исто време. Следете го ритамот на вашето дете. Ако бебето се буди помеѓу 6 и 7 часот наутро, тоа е нормално.
МИТ 4: Еднаш кога ќе се навикне, бебето секогаш ќе се буди во исто време
ФАКТ: Ох, колку би било убаво ова да е вистина. Бебињата се луѓе, а не роботи кои можат да се програмираат. Растење на заби, болести и развојни пресвртници (скокови во развојот), речиси секогаш создаваат нарушувања во спиењето. Во основа, добрите навики водат до добар сон, но родителите често очекуваат чудо! Колку сте пофлексибилни, поотворени и сето ова го прифатите, толку подобро. На крајот на краиштата, детето ќе ја почувствува вашата опуштена енергија и ќе се усклади со неа. И, пред се, давате се од себе. Сега отспијте, зошто да не?
