Ова се пет најчести грешки кои родителите ги прават при капење на бебето. Обидете се да ги елиминирате.
Не брзајте со почетокот на капењето на бебето
Причекајте со капење папочната врвца да се исуши и падне, што обично трае и до една недела, па до тогаш не го капете детето. Во тој период можете лесно да го пребришете со сунѓер, и нема потреба да брзате ниту со мачкање на разни креми или лосиони.
Не го капете бебето пречесто
Честото капење од бебепката кожа може да ги измие природните масла кои всушност се намемети за заштита на нивната кожа. Се повеќе од три пати неделно е претерно во првата година од животот. Честото капење може да ја направи кожата сува и ранлива. Топли крпи и сунѓери се идеални барем во првите неколку месеци.
Што помалку хемикалии
Детската кожа е чувствителна, како и нивниот имун систе. Хемикалиите и мирисите присутни во производите за бебиња може да резултираат со сувост, иритација и осипи. Доволно е да користите сапун и лосион. И нека бидат нежни и благи. Ограничете ја употребата на миризливи производи за бебе, ако видите дека кожата е премногу сува, користете лосиони само на одредените места.
Водата мора да биде со идеална температура
Она што возрасните го сметаат за пријатна температура за капење или туширање, често не е она што им одговара и на бебињата. Бебешката кожа е значајно почувсѕвителна, и потешко поднесува температурни шокови. Идеална температура на водата треба да изнесува помеѓу 35 и 37 степени, а температурата на воздухот околу 23 и 24 степени.
Имајте го потребното при рака
Важно е никогаш да не го оставате бебето, па дури ни дете до третата година, без надзор кога се капе. Се што ви треба нека ви биде во близина, да не мора да се оддалечувате за некоја работа.
