Бебе кое се храни само со мајчино млеко има златножолта кашеста столица, која се елиминира без потешкотии. Додека само цица, не му е потребна вода (иако, не е забранета). Бебе кое се храни со адаптирана млечна формула има потврда, маслинесто-зеленкаста столица која потешко се елиминира. За да се спречи тоа, треба помеѓу млечните оброци да испие доволна количина на вода.
Дијареата е појава на повеќе од три течни столици во текот на 24 часа. Исто така, многу е поважно да се набљудува составот на столицата, а не честотата. Бебињата имаа од 8 до 10 столици дневно, а ако се дојат, таа може да биде пенлива и течна. Тоа е се нормално.
До дијареа доаѓа најчесто по инфекции (бактерии, вируси, паразити). Некогаш може да се јави и поради болести кои не се директно поврзани со дигестивниот тракт, како воспаление на средното уво, уринарни инфекции и слично.
Ако дијареата се јави изненадно, заедно со повраќање, крвава столица, температура и губење на апетитот, таа може да има врска со некоја инфекција. Во тој случај, треба да се обратите на педијатар. Кај бебињата е многу важно да се одржува хигиената, оти нестерилното чување на млечната формула, користењето на непровриена вода и шише, па и лоша хигиена на лицето кое ја подготвува храната, може да доведе до загадување на млекото, па тогаш и пролив кај бебето.
Доколку проливот трае со недели, тој може да биде предизвикан од некои од овие состојби:
- Глутенска ентеропатија (целијачна болест)
- Цистична фиброза
- Интолеранција и чувствителност на храна
- Интолеранција на лактоза
- Алергиска гастроентеропатија
