Децата се поподложни на токсини од возрасните. Американската академија за педијатрија предупредила дека изложеноста на пестициди во раната возраст е поврзана со рак кај децата, намалена когнитивна функција и проблеми во однесувањето. Истражувањата покажале дека децата од предучилишна возраст изложени на пестициди имаат помала издржливост, полоша координација на очите и лоша карткорочна меморија од децата кои не биле изможени на исто ниво на токсини.
Ако не сте во можност да на детето му давате органска храна или ако сами не ја одгледувате, се препорачуваат 4 начини на кои можете да го измиете овошјето и зеленчукот од пестициди.
Миење со ладна вода
Истражувањата покажале дека 70 до 80% од пестицидите може да се измијат од овошјето и зеленчукот само со ладна вода. Важно е добро да се трие со рацете под млаз ладна вода. Мора да обрнете внимание на пукнатините и добро да го измиете, оти тука најмногу се задржуваат пестицидите. За да се елиминираат пестицидите, најмалку 30 секунди мијте го овошјето и зеленчукот под млаз вода.
Раствор од сол
Во 4 шолји топла вода растворете 2 лажици сол. Во тој раствор ставете го овошјето или зеленчукот да отстои 30 до 60 минути. После тоа, измијте ги под млаз ладна вода. Овој раствор може да ги оштети јагодите, па не се препорачува да се мијат во него.
Раствор од оцет и вода
Во чинија ставете вода и оцет во размер 2:1. Во него ставете го овошјето и зеленчукот и оставете да стојат половина до еден час. Потоа измијте ги под млаз ладна вода. Освен што ќе се исчисти од пестициди, овошјето и зеленчукот на овој начин миени, ќе траат подолго.
Домашен спреј
Во распрснувач ставете 1 шолја вода, 2 лажици оцет, и лажица сок од лимон. Испрскајте го овошјето или зеленчукот и почекајте 30 секунди, па измијте ги под ладна вода. Ова е одлично решение ако сте во брзање и не можете да почекате да се дезинфицираат во некој раствор.
