Откако кон крајот на 2019 година беа пријавени првите случаи на коронавирус во Вухан, почна да се шири страв и паника од инфекцијата со SARS-CoV-2. Поради недостиг на информации за новиот вирус, во јавноста кружеа и бројни заблуди во врска со Ковид-19, а некои од нив со текот на времето станаа и митови.
Весникот „Данас“ набројува неколку заблуди кои ја одбележаа оваа пандемија.
Прскањето со алкохол или хлор по целото тело може да го убие коронавирусот
Не. Прскањето со алкохол или хлор по целото тело нема да ги убие вирусите кои веќе влегле во вашето тело. Прскањето такви супстанци може да биде штетно за облеката или слузокожата (т.е. очите, устата), сметаат експертите од Светската здравствена организација.
Вакцините немаат влијание на плодноста кај мажите и жените, како и на развојот на фетусот. Од друга страна, природната инфекција со Ковид-19 може да предизвика неплодност. Докажано е дека Ковид-19 го намалува бројот и подвижноста на сперматозоидите и до 10 пати и го нарушува менструалниот циклус кај жените
Алкохолот може да го уништи вирусот во телото
Алкохолот може да ја дезинфицира кожата, велат експертите, но тој го нема овој ефект внатре во телото.
„Консумирањето каков било алкохол претставува ризик за здравјето, но консумирањето етил алкохол со висока јачина (етанол), особено кога се меша со метанол, може да доведе до сериозни здравствени последици, вклучително и смрт. А бидејќи алкохолот е поврзан со многу болести, може да ги направи луѓето поранливи на Ковид-19“, велат од СЗО.
Комарците пренесуваат Ковид
Нема докази дека коронавирусот се пренесува преку комарци. Вирусот може да се пренесе со капки од кашлање, кивање или плунка на пациентот.
Мачките и кучињата го шират коронавирусот
Иако имаше неколку случаи на домашни миленици кои ја развиле оваа инфекција откако биле во контакт со луѓе кои имале Ковид-19, според американскиот Центар за контрола и превенција на болести (ЦДЦ), нема докази дека животните играат значајна улога во ширењето на вирусот, кој ја предизвикува болеста Ковид-19.
Лукот е здрава храна која може да има некои антимикробни својства. Сепак, од сегашната епидемија, нема докази дека јадењето лук ги штити луѓето од Ковид-19
„Мора да направиме разлика помеѓу вистинската инфекција и самото откривање на присуството на вирусот. Сè уште мислам дека е дискутабилно колку е ова релевантно за епидемијата кај луѓето, бидејќи повеќето глобални епидемии се предизвикани од пренос од човек на човек“, изјави Џонатан Бол, професор по молекуларна вирологија на Универзитетот во Нотингем.
Лукот може да спречи Ковид-19
Лукот е здрава храна која може да има некои антимикробни својства. Сепак, од сегашната епидемија, нема докази дека јадењето лук ги штити луѓето од Ковид-19, според Светската здравствена организација.
Редовното плакнење на носот со физиолошки раствор може да спречи инфекција со коронавирус
Доказите сугерираат дека плакнењето на носот со физиолошки раствор може да помогне побрзо да закрепнеме од настинка, но не може да спречи заразни респираторни заболувања или Ковид-19.
Вакцините против коронавирус предизвикуваат неплодност
Вакцините немаат влијание на плодноста кај мажите и жените, како и на развојот на фетусот. Од друга страна, природната инфекција со Ковид-19 може да предизвика неплодност. Докажано е дека Ковид-19 го намалува бројот и подвижноста на сперматозоидите и до 10 пати и го нарушува менструалниот циклус кај жените.
„Чудотворниот лек против Ковид-19“
Во моментов нема научни докази дека ивермектинот кај луѓето делува превентивно против Ковид-19 или дека ги зголемува шансите за излекување. При употреба постои ризик од предозирање и труење. Европската агенција за лекови (ЕМА) заклучи дека доказите што моментално се достапни не се доволни за поддршка на употребата на ивермектин кај Ковид-19 надвор од клиничките испитувања.
Коронавирусот е најсмртоносниот вирус кај луѓето
Иако се чини дека Ковид-19 е поопасен од грипот, тој не е најсмртоносниот вирус со кој се соочиле луѓето. Други, како што е вирусот ебола, имаат повисоки стапки на смртност.
