Но, хипотезата на студијата која ја спровеле научници од детската болница Ann & Robert H. Lurie Children’s Hospital и Универзитетот Нортвестерн противречи на досегашните тврдења.
Од 23 март до 27 април, научниците земале примероци од нос на група од 145 пациенти кои боледувале од полесна до умерена форма на болеста КОВИД-19, и тоа една недела од појавата на првите симптоми кај тие лица.
Пациентите биле поделени во три групи: 46 деца помлади од пет години, 51 дете на возраст од 5 до 17 години, како и 48 возрасни лица помеѓу 18 и 65 години. Научниците во дишните патишта на групата на мали деца нашле присутво на SARS-CoV-2 во количина “10 до 100 пати поголема“ отколку кај другите две групи.
Истражувачите истакнуваат дека лабораториската студија го докажала следното: колку повеќе генетски материја на вирусот е присутен, тој е позаразен. Последично на тоа, малите деца може да бидат големи преносители на заразата SARS-CoV-2 меѓу населението, велат авторите.
“Со оглед на вообичаеното однесување на малите деца, се поставува прашањето за ширење на новиот коронавирус во таа возрасна група кога санитарните мерки ќе се ублажат“, заклучуваат истражувачите. До денес се направени малку истражувања на тој аспект на ширење на заразата.
Освен што студијата може да помогне во согледување на здравствените импликации, авторите сметаат дека резултатите може да помогнат во спроведување на имунизацијата кога вакцината против КОВИД-19 ќе стане достапна.
