Нова студија што ја спровеле истражувачи од најголемиот здравствен институт за заразни болести во Данска (Statens Serum Institut), покажала дека инфекција со поттипот на омикрон ВА.2 може да следи многу брзо по изворната инфекција со поттипот ВА.1, но дека тоа е ретка појава.
Овие два поттипа се разликуваа во 40 мутации.
Додека ВА.1 моментално чини повеќе од 88 отсто од слуаевите во Данска, бројот на новозаразени со овој поттип почнал да се зголемува и во Обединетото Кралство, Јужноафриканската Република и во Норвешка.
Реинфекциите главно ги зафатиле младите, невакцинирани лица и кај нив предизвикале само блага форма на болеста, но ниту една не резултирала со хоспитализација илии смртен исход, велат данските научници.
Во рамките на студијата спроведена помеѓу ноември и февруари, која се уште не поминала рецензија, научниците откриле 1.739 случаи кои покажуваат дека истото лице прво било заразено со поттипот BA.1, а потоа, по 20 до 60 дена, со поттипот BA.2.
На помала група примероци, студијата открила 47 случаи на реинфекција со BA.2 набрзо по инфекција со BA.1. Истражувачите откриле и помалку вирусен материјал при втората инфекција, што укажува на тоа дека лицето по првата инфекција развило имунитет.
