Со оглед на недоволните активности и долгото седење и лежење, стручњаците решиле да ги поттикнат родителите на децата да им обезбедат здраво детство, кое вклучува игри, забава, но и доволно сон.
- Деца помлади од пет години треба помлаку време да минуваат во седечка положба, во количка, столчиња, а особено пред екраните.
- За здраво растење, ним им е потребно квалитетен сон, но и повеќе квалитетна игра.
Тоа се накратко, најновите упатства кои ги издаде Светската здравствена организација, од каде напоменуваат дека од самиот почеток на животот и периодот на забрзан раст и развој, детето е насочено на усвојување на матрицата на семејниот животен стил.
Стручњаците на СЗО во таа смисла дале неколку основни препораки и насоки за родителите.
Најголемо внимание да се посвети на должината и квалитетот на сонот, физичката активности и лошите седечки навики
Со децата до една година треба да се играат интерактивни игри на под во траење до половина час.
- Неопходно е на детето да му се скрати гледање телевизија, седење пред екраните, а исто така е корисно и да се ограничи и времето кое детето на таа возраст ја минува во количка – најмногу еден час.
- Важно е родителите да знаат дека на детет до една година неопходен му е сон во траење од 12 до 17 часа, вклучително и дневен одмор.
Дете до две години треба да биде физички активно најмалку еден час дневно низ игра надвор во парк или со други деца, додека седечките активности не треба да бидат подолги од еден час дневно.
- Децата на две години треба да спијат од 11 до 14 часа.
- За децата на возраст од три години се препорачува најмалку три часа дневно да поминат во физичка активност, и тоа трчање, скокање и качување. Миминум добар сон за оваа возраст е 10 до 13 часа.
