Новиот коронавирус е во состојба брзо да мутира, а различните соеви може да ги објаснат и различните влијанија ширум светот. Истражувањето направено од најдобрите кинески научници открива нови соеви на вирусот кои претходно не биле пријавени.
Професорката Ли Ланџуан и нејзините колеги од Zhejiang University, исто така, пронајдоа и директен доказ дека одредени мутации можат да создадат соеви кое се посмртоносни од другите.
Тимот земал вирусни соеви од 11 случајно избрани пациенти со КОВИД-19 од Хангжу и ги тестирал колку ефикасно може да ги заразат и убијат клетките, пренесува SCMP. Истражувачите забележале „разновидни мутации“ помеѓу вирусните соеви, вклучувајќи и еден кој генерира 270 пати повеќе вирусно оптоварување во организмот од најмалку потентниот тип.
Соевите на вирусот што создаваат големо вирусно оптоварување се поопасни. Најсмртоносни соеви се откриени во Европа и САД, која е една од најтешко погодените земји во светот.
Но, послабите мутации не значат и помал ризик за секого, според студијата на проф. Ли. Во Хангжу двајца пациенти во нивни 30-ти и 50-ти години кои се заразиле со послаб сој на вирусот, се разболеле тешко. Иако и двајцата преживеале, постариот од нив имал потреба од третман на интензивна нега.
Наодите значат дека вистинската разновидност на вирусните соеви можеби се во голема мерка потценети. Болниците генерално ги третираат пациентите со КОВИД-19 како да имаат една болест, но мутациите можеби значат дека е потребен различен одговор
Студијата, објавена на Medrvix, покажа дека „мутациите може да имаат директно влијание врз вирусното оптоварување“.
Истражувачите „забележале изобилство на мутациска разновидност, вклучително и неколку основни мутации за различни големи кластери на вируси кои сега циркулираат на глобално ниво“.
Генеричките истражувачи забележале разлики помеѓу соевите во различни географски области.
Мистеријата за различните стапки на смртност беше комплицирана од факторите како што се возраста, здравствените состојби и крвната група на пациентот.
Наодите значат дека вистинската разновидност на вирусните соеви можеби се во голема мерка потценети. Болниците генерално ги третираат пациентите со КОВИД-19 како да имаат една болест, но мутациите можеби значат дека е потребен различен одговор.
Студијата има импликации за развојот на лекови и вакцини, кои ќе треба да ги земат предвид мутациите на вирусот.
-
Ненадејната појава на епидемија на тешкиот акутен респираторен синдром коронавирус (SARS-CoV-2) – што предизвикува КОВИД-19 – зарази повеќе од 2,4 милиони луѓе ширум светот. Скоро 170.000 смртни случаи се регистрирани од почетокот на избувнувањето, кое беше откриено во Вухан, Кина.
КОВИД-19 може да се пренесе од асимптоматски пациенти, кои не покажуваат треска, гастроинтестинални или респираторни симптоми, што го прави потежок во спречување на неговото ширење. Може да остане во аеросоли повеќе часови и до седум дена на површини.
Досега не се пронајдени ефективни вакцини или лекови.
(South China Morning Post/news.com.au)
