Соединетите Американски Држави од март, официјално регистрирале 277.285 заразени деца со новиот коронавирус на возраст помеѓу пет и 17 години, од кои 51 починало, се наведува во наопширната студија на америкаснките здравствени власти додека училиштата размислуваат за враќање на учениците во училишните клупи.
Од 1. март до 19. септември стапката на смртност – соодносот на потврдени случаи кои се починати – пресметана за децата на училишна возраст во САД изнесува 0,018 проценти, покажува студијата на Центарот за превенција и контрола на болести (CDC), објавена вчера.
Со оглед дека бројот на потврдени случаи кај децата и кај возрасните несомнено е неколкукратно потценет бидејќи многу полесни случаи никогаш и не биле тестирани, новите бројки потврдуваат дека реалната смртност од новиот коронавирус е исклучително ниска во таа возрасна група во однос на возрасните, особено на постарите лица.
Во друга анализа, која CDC на својата официјална интернет страница ја објави на 10. септември, оценува дека во најверојатното сценариот, стапката на смртност по возрасни групи (бројот на починати во однос на реалниот број на заразени) изнесува 0,003 проценти во групата од 9 до 19 години, 0,02 проценти за оние од 20 до 49 години, 0,5 проценти за оние од 50 до 69 години и 5,4 проценти за лицата над 70 години.
Меѓу децата постои значајна разлика помеѓу помладите и постарите од 11 години, покажува студијата на CDC: инциденцата била двојно поголема кај млади од 12 до 17 години, отколку кај деца на возраст од пет до 11 години.
Од 277.000 заразени деца, во болница биле примени 3240, додека на одделите за интенизвна нега биле згрижени 404 деца, додека 51 дете починало како последица од КОВИД-19.
Општо, неколку студии во САД и во други земји покажале дека децата се помалку чувствителни од возрасните, иако не се целосно имунизирани.
Двајца истражувачи од Велика Британија во списанието Science минатата недела објавија дека хоспитализациите на заразени деца биле ретки и дека починале само еден процент од хоспитализираните деца и 27 проценти од сите возрасни групи во просек.
И натаму продолжува научната расправа за да се утврди дали младите се заразуваат послабо или еднакво како и возрасните. Минатата недела анализата која опфатила 32 студии и која е објавена во списанието Jama Pediatrics, заклучила дека децата и младите до 20 години се 44 проценти помалку склони кон зарази. Истата анализа сепак не заклучила дали децата се поголеми преносители на инфекцијата од возрасните.
