Празниците се веднаш зад аголот, а што се тие без украсена елка во дневната соба на кој трепкаат сто сијалички и светат исто толку лампиони, ѕвона и венци?
Но, елката не е секогаш „безбедна“ со малите деца, бидејќи љубопитните мали раце сакаат да тегнат сијалички, топки и да влечат гранки. Освен што родителите стравуваат дека комплетно опремената новогодишна елка може да заврши на подот и да повреди некого, еднакво не им е сеедно детето да скрши некој од украсите и потоа да се обиде да го вкуси, како што понекогаш прават децата.
Дали воопшто има смисла да се украсува елката кога децата се уште се мали или подобро е да се избегне овој обичај додека малку не пораснат и не ја остават елката “на мир“?
Еве што велат некои родители, како се снашле за време на празничната сезона и како ги помириле овие две наизглед целосни спротивности. Дали мислат дека е воопшто неопходно да се има украсена елка за празниците, со оглед на “веселите“ деца? Можеби некои „идеи“ и размислувања ќе ви бидат корисни.
- Имаме 18 месечно бебе кое сака елка! Тоа ни помогна да го украсиме, но почнавме да ставаме украси само на делот од дрвото до кој не може да стигне. Можеби изгледа малку чудно, но засега тоа е единствениот начин на кој нашето малечко навистина може да ја „цени“ убавината на елката.
- Иако дома имаме мал ползавец, а не шетач, купивме мала вештачка елка која ќе ја ставиме на повисоко место. Верувам дека и следната година ќе го примениме истиот рецепт.
- Првите две години немавме ни елка затоа што се плашев како ќе реагира нашиот син, но сега дури и се каам. Децата треба да се забавуваат, а ние возрасните сме тука да смислиме мерки на претпазливост. Една работа која би ја препорачала е стабилна подлога за леката.
- Дефинитивно ќе имаме елка и покрај две многу живи деца. Но, украсите секако ќе бидат од пластика, ткаенина и хартија, за да не можат да се скршат или џвакаат и да се повредат. Исто така, избегнуваме новогодишни украси со зашилени рабови, ѕвездички и слично.
- Купивне вештачка елка, ја доближивме до ѕидот и потоа ја врзавме на голема тешка полица со тенко јаже за да ја прицврстиме. Ние користиме и украси погодни за децата. Нашето едногодишно дете најпрво малку го вознемируваше огромното дрво што беше поставено во дневната соба, но сега е фасциниран од светлата и украсите и знае доста долго да се забавува.
- Оваа година користиме само венци. Тие се евтини, не можат никого да скршат или повредат, а бевме изненадени колку добро изгледаат.
- Ставивме заштитна ограда околу елката, а за среќа малиот е премал за да ја прескокне или да сфати како да ја отвори. Сметаме дека е штета да не се расположите со елка за празниците бидејќи тоа е одлично искуство за децата, само треба да бидете креативни.
- Пластичните украси ќе ги ставиме подолу на борот, а оние што можат да се скршат одат повисоко, надвор од дофат на децата. И тоа е тоа, работата е решена!
