Мед – Децата до две годишна возраст не смеат да јадат мед бидејќи може да содржи токсин Clostridium botulinum кој предизвикува труење наречено ботулизам.
Имунитетот кај возрасните лицa е способен да се бори од појавата на оваа супстанца, но не и детскиот имунитет, па затоа е во целост потребно да се избегнува.
Непастеризирано млеко – Кравјото млеко содржи млечни протеини кои децата до една година не можат да ги сварат, па не се препорачува воведување на оваа намирница во нивната исхрана. Но, во помалата возраст треба да се избегнува и домашно млеко кое не го минало процесот на пастеризација.
Домашното млеко може да содржи бактерии кои предизвикуваат дигестивни проблеми кај децата.
Некои видови риба – Рибата е одличен извор на омега 3 масни киселини и протеини и се препорачува нејзино консумирање од најраната возраст.
Но, некои видови риба како туна, скуша и сабјарка, може да содржат траги на жива кои се штетни за нервниот систем на детето.
Цитрусно овошје – Лимонот, грејфрутот и портокалот, се здраво овошје кое се карактеризира со висок процент на витамин Ц. Сепак, овие плодови имаат и висока киселост, која може да го надразни чувствителниот желудник на детето, поради што треба да се избегнува нивно давање на деца помали од една година.
