Детството треба да биде најбезгрижниот период во животот, но не е секогаш така. Сè поголем број деца чувствуваат анксиозност и стрес, а Натали Коста, основач на организацијата Power Thoughts, која се занимава со менталната благосостојба на децата, вели дека „детскиот живот денес е побрз и понапорен“.
Таа креирала квиз кој може да ви помогне да го процените нивото на стрес на вашето дете – земете го предвид однесувањето на детето во последните неколку недели, а одговорите бодирајте ги со две поени за „да“, еден поен за „понекогаш“ и нула за „не“.
Одговорете на следните прашања и соберете ги бодовите.
- Дали вашето дете оди директно во својата соба после училиште, бара да вечера само, во својата соба и избегнувада се вклучи восемејни активности како гледање телевизија?
- Дали вашето дете станува полуто од вообичаено ако губи додека учествува во спортски или друштвени игри со своите браќа,сестри или пријатели?
- Дали вашето дете за време на оброците вели дека не е гладно или дека не сака работи што порано сакалода ги јаде? Или, можеби грицка многу повеќе од порано и постојано јаде нешто?
- Дали детето ви бара помош за некои основни задачи кои вообичаено може да ги прави самостојно, како облекување или сечкање храна?
- Ако имате постаро дете, дали врти по социјалните мрежи многу повеќе од вообичаено? Или, ако е помало дете и нема телефон или социјални мрежи, дали бара почесто да гледа видеа на Јутјуб?
- Дали ако детето би дошло во ситуација омилената маица да му е исперена, а треба да оди на роденден, дали ќе се налути повеќе од вообичаено за неговото однесување и карактер?
- Ситуацијата е следна – детето се мачи да напише домашна задача, да прочита нешто или правилно да состави играчка. Дали се нарекува глупаво?
- Дали детето престанало да ви зборува за своите пријатели и како го поминал денот? Кога му поставувате прашања, дури и за тоа што најмногу го интересира и што ужива, добивате ли едносложни одговори, како да, не?
- Дали вашето дете или тинејџер придава помало значење на својот изглед и грижата за себе – не се тушира толку често како обично, не сака да ја скрати косата, да ги мие забите?
- Дали детето негодува што оди на училиште и се труди да го избегне, иако порано тоа не било случај?
- Дали вашето дете спие повеќе од вообичаено, дали има потешкотии да заспие навечер или се буди во необично време? Ако е во прашање помало дете, дали повторно почнало да мокри во кревет?
- Дали детето често се жали на болки во стомакот, нозете или главоболка?
- Кога детето треба да оди кај пријател, на тренинг или на некое друго место каде што вообичаено сака да оди, дали одеднаш ви кажува дека не сака да оди без вас?
- Дали детето во последно време побрзо се лути на братот или сестрата, на пријатели, па дури и на мали нешта како земање играчка што ја сака или некое безопасно задевање?
- Дали вашето дете изгуби интерес за игра и забава? Дали повеќе не сака да си игра со играчки или да трча надвор и да си игра со топка? Дали ве следи низ дома наместо да се дружи со своите браќа, сестри?
Одговори
Ако на овој тест забележите девет или помалку поени, тоа е одлична вест – звучи како менталната состојба на вашето дете да е во совршен ред, пренесува британски The Sun.
Ако имате десет или повеќе поени на квизот, вашето дете можеби се бори со стрес во моментов и му треба вашата помош. Некои вообичаени знаци се промена на апетитот, спиење помалку или повеќе од вообичаено, повлекување од околината. Некои од овие однесувања родителите често ги толкуваат како пребирливост, скок во развојот или му се препишуваат на пубертетот, но всушност тие можат да бидат показатели дека детето е под стрес.
Во некои случаи, предизвикувачите на стрес се очигледни – детето има некои важни тестови или задачи пред него, некој близок е болен, дошло до поместување и промена во средината. Ако ништо од тоа не е случај за вас, обидете се да разберете што се крие зад стресот на вашето малечко, односно која е причината, а потоа како можете да му олесните и да му помогнете.
