Настинката и грипот се најчестите заразни респираторни заболувања, но тие се предизвикани од различни вируси. Грипот е предизвикан само од вируси на грип, додека обичната настинка може да биде предизвикана од голем број други вируси, вклучувајќи риновируси и други сезонски вируси. На луѓето често им е тешко да препознаат дали се само настинати или имаат грип, но наводно постои еден знак кој ја разликува настинката од грипот, пренесува „Healthline“.
Бидејќи грипот и настинката имаат многу слични симптоми, може да биде тешко да се разликуваат само врз основа на симптомите. Сепак, американскиот Центар за контрола и превенција на болести (ЦДЦ) ги издвојува симптомите што ја карактеризираат и едната и другата состојба. Како што објаснуваат, грипот е посериозна болест од обичната настинка, а симптомите обично се поинтензивни и почнуваат ненадејно.
Како да препознаете дали се работи за настинка или грип?
На луѓето кои се настинати почесто им тече носот или имаат затнат нос отколку оние кои имаат грип, што е воедно еден од симптомите според кои е најлесно да се препознае за која од двете болести се работи, а настинката во повеќето случаи не доведува до сериозни здравствени проблеми. Исто така, грипот може да има сериозни компликации, особено ако ги погоди хронично болните или лицата со ослабен имунитет.
Симптоми на грип може да бидат и грозница или треска, кашлица, болка во грлото, болки во мускулите или телото, главоболка, покачена температура и замор, додека симптомите на обична настинка се кивање, затнат нос и болки во грлото.
На луѓето кои се настинати почесто им тече носот или имаат затнат нос отколку оние кои имаат грип, што е воедно еден од симптомите според кои е најлесно да се препознае за која од двете болести се работи, а настинката во повеќето случаи не доведува до сериозни здравствени проблеми. Исто така, грипот може да има сериозни компликации, особено ако ги погоди хронично болните или лицата со ослабен имунитет
Уште еден знак кој може да ви помогне да препознаете дали се работи за настинка или грип е фактот што симптомите на настинка се појавуваат постепено еден по друг, додека грипот почнува ненадејно. Имено, сите симптоми на грипот се појавуваат одеднаш и траат подолго отколку во случај на класична настинка.
