Дури и ако не сте личност која сака да преспие или предреме преку ден, тоа во бременоста знае да се промени, особено во текот на третото тромесечје кога бремените жени чувствуваат поголем замор. Сега постои и научен доказ кој ги поттикнува идните мајки да “затворат очи“ и во текот на денот.
Според истражувањето, трудниците кои редовно дремат, односно преспиваат во текот на денот, имаат помали шанси да родат дете со мала родилна тежина, помала од 2,4 килограми. Ниската родилна тежина е поврзана со здравствени компликации воо текот на детството и во возрасниот период, како болести на дишните патишта и хипертензија. Поради тоа, дневната дремка не ви помага само вам да го истуркате денот, туку има и потенцијално големи придобивки за долгорочното здравје на вашето бебе.
Истражувачите анализирале податоци од над 10.000 трудници и дошле до заклучок дека идните мајки кои редовно спиеле околу 60 до 90 минути во текот на денот, имале 29% помали шанси да родат дете со мака родилна тежина, од оние кои не спиеле преку ден. Исто така и дневната дремка до барем пет пати неделно, ја намалува веројатноста за ниска родилна тежина за 22 проценти.
