Што навистина значи плачењето на бебето?
Во најраниот период од животот, децата плачењето го користат за комуникација со околината, а најмногу со родителите. Родителите во најголема мера не се сигурни како да го сфатат плачењето на детето: дали се случува нешто сериозно, или детето само така привлекува внимание. Во секој случај, потребно е постапно, со мали чекори да се изгради комуникација со детето за да не мора секогаш кога ќе посака нешто да плаче.
На плачењето гледајте како на облик на комуникација, а не на средство за манипулација. Треба да го толкувате како сигнал – послушајте го и обидете се да го интерпретирате без страв дека така ќе го разгалите бебето.
Постои мит, особено кај новопечените родители, дека колку подолго одолговлекувате да одговорите на плачот на бебето, тоа само ќе престане со плачење. Во еден дел тоа може да биде точно, меѓутоа, постојат и почувствителни деца кои на игнорирањето може да реагираат со апатија.
- Студии покажале дека децата кои добивале редовно внимание и родителите веднаш реагирале на плачењето, стануваат посамостојни и помалку плачливи во натамошниот развој.
- Соодветно реагирајте на детскиот плач. Во првите неколку недели од раѓањето на бебето реагирајте интуитивно уште на првите знаци за плач. Со запознавањето со детето во наредните месеци полесно ќе може да ја процените улогата на неговото плачење.
- Сепак, треба да знаете кога да кажете ДА, а кога НЕ. На почетокот веројатно повеќе ќе кажувате ДА, додека не стекнете искуство, па потоа ќе почнете и со НЕ. Потрудете се низ запозавањето со плачењето на детето во почетната фаза, и вие и детето да развиете меѓусебна комуникација.
