Норвешки и германски научници сега го докажаа она за што некои лекари се сомневаа два месеца. Нивото на опасност од зараза со новиот коронавирус, во голем процент зависи од тоа која крвна група е пациентот. Имено, кинески научници уште во април објавија студија во која докажаа дека лицата кои имаат крвна група А се значајно почувствителни на коронавирусот, односно веројатноста дека кај нив ќе се развие КОВИД-19 е дури за 50 проценти поголема отколку кај луѓето со други крвни групи.
Од друга страна, луѓето со крвна група О се најотпорни на развојот на оваа болест, па веројатноста дека под исти услови ќе заболи од КОВИД-19, за поединец со крвна група А е неколку пати поголема од веројатноста за поединец со крвна група О.
Дури и по развојот на болеста, за лицата со крван група А двојно е поверојатно дека ќе завршат на респиратор од оние со крвна група О. Во делот на ризикот, лицата со крвни групи Б и АБ се некаде во средина.
Испитувањата се правени на примероци од 1610 заболени, а ги спорвеле научници од Универзитетот во Осло и Универзитетот во Киел. Со примероците на заболени од Германија и Норвешка, користени се и примероци крв на пациенти заболени од КОВИД-19 од Италија и од Шпанија, со цел да се провери дали состојбата е иста и во подрачјата кои се најтешко погодени со пандемијата на коронавирус.
Причината за ваквата “подложност“ за заболување од КОВИД-19, лежи во факторот на коагулација на крвта. Колку крвта побрзо се згрутчува, развојот на болеста е полесен, а со оглед дека крвта од групата А најбрзо се згрутчува, лицата со оваа крвна група се најподложни на развој на болеста.
Спротивна е состојбата кај лицата кои имаат крвна група О, која инаку најбавно и најтешко се згрутчува.Токму тоа е и причината поради која заболените од КОВИД-19 многу подложни на срцеви и на мозочни удари, бидејќи кај нив создавањето на крвни згрутчувања е поверојатно отколку кај просечната популација. Крвната група А е најподложна на коронавирусот и ако се занемари фактот дека најголем број луѓе ја имаат токму оваа крвна група, околу 37 процнети.
