Порано се зборувало дека трудницата мора да јаде за двајца. Подоцна се утврдило дека тоа баш и не е така и дека трудницата всушност не мора да јаде за двајца, па трудниците беа предупредувани дека со таков поглед на работите може да добијат премногу килограми за време на бременоста. Да, знаеме, постојано нешто се менува, но тоа е сосема нормално. Но, секоја жена која била бремена знае дека бременоста изискува многу, многу енергија.
Најновото истражување ги изненадило научниците, но не и жените, претпоставуваме. Имено, тие откриле дека енергетскиот трошок на бременоста изнесува околу 50.000 прехранбени калории – многу повеќе отколку што досега се верувало.
За подобро да ја разјаснат количината на калории или што точно значи тоа, користеле нешто привлечно за секого за споредба: тие 50.000 калории ги добивате ако изедете приближно 50 литри сладолед.
Во една студија објавена во четвртокот во списанието Science, австралиските научници процениле дека за човечка бременост се потребни речиси 50.000 прехранбени калории во текот на девет месеци. Претходните проценки биле помали бидејќи научниците претпоставувале дека поголемиот дел од енергијата вклучена во репродукцијата е складирана во фетусот, што е релативно малку.
Но, Дастин Маршал, еволутивен биолог од Универзитетот Монаш, и неговите студенти откриле дека енергијата складирана во ткивата на човечкото бебе сочинува само околу 4 отсто од вкупните енергетски трошоци на бременоста. Останатите 96 проценти се дополнително гориво кое му е потребно на сопственото тело на жената.
„Самото бебе станува грешка во заокружувањето“, вели д-р Маршал. Ни требаше некое време за да го сфатиме тоа.“
