Новата верзија на COVID-19 е значително позаразна од претходните верзии на коронавирусот, покажало новото истражување, чиј заклучок е дека оваа нова варијанта ја зголемува репродукцијата или таканаречениот R број за 0,4 до 0,7, пренесува „Би-Би-Си“.
„Првичните резултати сугерираа на тоа дека вирусот се шири побрзо меѓу помлади од 20 години, особено кај средношколците, но најновите податоци покажуваат дека тој рапидно се шири меѓу сите возрасни групи“, рече проф. Ганди, член на истражувачкиот тим
Најновиот Р-број во Велика Британија се проценува дека е помеѓу 1,1 и 1,3 а би требало да биде помал од 1,0 за бројот на случаи да почне да се намалува.
Професорот Аксел Ганди од „Империјал колеџ“ во Лондон рече дека разликите помеѓу видовите вируси се „прилично екстремни“.
„Постои огромна разлика во тоа колку лесно се шири оваа варијанта на вирусот во однос на претходната“, изјави тој за емисијата BBC Radio 4 Today.
Резултатите од студијата спроведена од научниците од „Империјал колеџ“ укажуваат на тоа дека инфекцијата со новата верзија на коронавирусот се зголемила тројно за време на затворањето во Велика Британија во ноември, а претходната негова варијанта – се намалила за една третина.
Бројот на случаи на инфекција со COVID-19 започна брзо да се зголемува за време на вториот бран, а бројот на случаи на инфекција регистрирани за еден ден достигна нов максимум во четвртокот.
„Првичните резултати сугерираа на тоа дека вирусот се шири побрзо меѓу помлади од 20 години, особено кај средношколците, но најновите податоци покажуваат дека тој рапидно се шири меѓу сите возрасни групи“, рече проф. Ганди, член на истражувачкиот тим.
- Проф. Џим Наисмит од Универзитетот во Оксфорд истакна дека новооткриената верзија на вирусот наскоро ќе предизвика воведување на уште построги рестриктивни мерки
„Податоците на „Империјал колеџ“ се најдобрата досегашна анализа и имплицираат дека досега спроведените мерки нема да успеат да го намалат бројот Р под 1, ако не се спречи ширењето на новата верзија на вирусот, рече тој.
Новиот сој на коронавирус пристигна и во нашето соседство
Првите четири случаи на новиот сој на коронавирус се откриени во Грција кај луѓе кои неодамна пристигнале од Велика Британија.
Официјален претставник на грчкото Министерство за здравство изјави дека тие лица се наоѓаат во карантин, пренесува Ројтерс. Се смета дека новата мутација на коронавирус откриена во Велика Британија, која се прошири низ целиот свет, е многу позаразна од претходните.
Грција вчера влезе во построг рестриктивен режим во борбата против коронавирусот, кој ќе важи до 10 јануари, пренесува Танјуг. Мерките вклучуваат полициски час од 21 часот до 5 часот наутро, прекин на нарачките преку Интернет во малопродажните објекти и затворање на салони како што се фризерници и козметички салони.
