Ако имате здрав и близок однос со вашата мајка, вголема е веројатноста да прво неа и се обратите кога сте под стрес. Постои нешто исклучително смирувачко во тоа кога мајката ни вели дека сè ќе биде во ред.
Се покажува дека тоа чувството не е само субјективно; туку е универзално. Без разлика дали разговараме лице в лице или преку телефон, истражувањата покажале дека самиот разговор со вашата мајка може значително да го намали нивото на стрес.
Во една студија, научниците откриле дека телефонскиот разговор со мајката има ист ефект како и физичкото присуство – барем кога станува збор за емоционална поддршка.
Телефонскиот разговор со мама го намалува стресот исто колку и прегратката
Истражувачки тим предводен од Лесли Селцер, доктор на Универзитетот во Висконсин-Медисон, ги објави своите наоди во списанието Proceedings of the Royal Society B Тие заклучиле дека нема разлика во намалувањето на стресот помеѓу разговорот со мајката во живои разговорот со неа по телефон.
Студијата вклучувала 68 девојчиња на возраст од 7 до 12 години кои поминале низ стресни задачи – решавање математички проблеми и држење јавен говор пред публика. Потоа, девојчињата биле поделени во четири групи: една група била оставена сама без никаков контакт со својата мајка, друга разговарала со неа лично, трета преку телефон и четврта преку текстуални пораки.
Резултатите биле изненадувачки. Девојчињата кои разговарале со своите мајки – без разлика дали било во живо или преку телефон – имале повисоки нивоа на окситоцин, хормон поврзан со поврзување, доверба и емпатија. Во двете групи забележано е и намалување на нивото на кортизол, хормон на стрес.
Оваа студија го потврдува она што многумина интуитивно го чувствуваат – мајчиниот глас, било во живо или преку телефон, може да има моќен ефект врз нашата емоционална состојба. Никогаш не сме престари за да ни треба разговор со нашата мајка, а науката сега тоа и го потврди.
