Толку сте уморни, и и вие и вашето дете, и единство што сакате е да заврши читањето на последната приказна пред спиење, па вашето дете да заплови во слатки соништа, а вие малку да се опуштите со омилена серија или филм. И така, доаѓа последниот збор во приказната, бакнеж за добра ноќ, излегувате од соба и затворате врата. И таман мислите дека е време барем малку да издишите, кога слушате глас зад вратата: “Мамо, ја сакам вода“.
Сигурни сте дека вашето дете е и најадено и напиено пред да си легне во кревет. Секако, се прашувате дали тоа навистина е жедно или се работи за манипулативно однесување со кое сака да го одложи моментот на спиење.
Во една студија со животни, што неодамна ја спровеле научници од Универзитетот Мекгил во Квебек, откриено е дека пиењето вода два часа пред спиење помага во спречувањето дехидрација во текот на подолго спиење. Тоа ги поттикнало научниците да се запрашаат дали клетките во центарот на мозокот што ја контролира хидрацијата, комуницираат со делот од мозокот кој го контроллира внатрешниот часовник кој ги поттикнува животните на будење и спиење.
Стимулирајќи го нивниот внатрешен часовник со електрични импулси, научниците откриле дека постои молекуларен процес кој ја објаснува жедтта, а вклучува невропептид кој го регулира циркадијалниот ритам, така што пред се, реагира на светло и темнина и ги активира невроните за жед.
“Иако ова истражување спроведено на глодари, објаснува зошто често чувствуваме жед и внесуваме течности како вода или млеко пред спиење“, вели авторот на студијата Чарлс Бурке, професор по неврологија на УниверзитетОТ во Квебек.
Во ред, можеби детето и е сепак жедно пред спиење, но зошто тогаш испива само една голтка, наместо полна чаша што сте му ја донеле?
Значи, понекогаш на детето навистина му фали вода бидејќи е жедно, но главно му е потребна емоционална утеха и разбирање.
Чаша вода или млеко пред спиење на детето му значи уште малку време поминато со вас, што значи уште некој екстра бакнеж или прегратка, уште некој топол збор. Вашето дете сака да биде сигурно дека може да смета на вас без оглед на тоа што бара, безусловно.
Децата сакаат да бидат сигурни дека не се сами, препуштени на себе, ако им затреба нешто во текот на ноќта. Тие мораат да знаат дека, ако ве повикаат, ви ќе се јавите и ќе се погрижите за нив.
Значи, ако сте на работ на трпение оти вашето дете баш секоја вечер бараат екстра чаша вода, имајте на ум дека сигурноста што ка добива кога ќе му одговорите на потребата, во голема мера го зголемува неговото ниво на самопочитување, самодоверба и продлабочување на вашиот меѓусебен однос.
Не оптоварувајте се со тоа – ова нема да трае вечно. Голтка вода со топла прегратка или сладок бакнеж е мала цена детето да ве доживее како сигурна и верна личност по секоја цена. Затоа, бидете смирени, трпеливи , полни со љубов и сетете се дека еден ден ќе ви недостасува оваа слатка претстава.
