Царскиот рез претставува породување со хируршки зафат, каде во општа, епидурална или спинална анестезија, со најчесто попречен рез во долниот дел од стомакот, се вади плодот. Како и после секоја операција, и после царскиот рез потребно е време за закрепнување, при што е најважно зараснувањето на резот од операцијата. Заздравувањето обично трае шест недели, а во овој период жената треба да внимава, односно да избегнува одредени работи. Што овие мајки не смеат да прават додека се опоравуваат од породувањето со царски рез?
Не се препорачува да седнувате зад воланот најмалку 6 недели по породувањето со царски рез. Некои движења ќе бидат болни за вас и неколку месеци по раѓањето
-
Избегнувајте да кревате било што потешко од вашето новороденче, а одбегнувајте ги и сите други тешки физички активности во период од шест недели по царскиот рез. Исто така, обидете се да ги избегнувате и домашните работи колку што е можно подолго за да може резот од операцијата побрзо да заздрави.
-
Не се препорачува да седнувате зад воланот најмалку 6 недели по породувањето со царски рез. Некои движења ќе бидат болни за вас и неколку месеци по раѓањето.
-
Не заборавјте да пиете доволно течности. По царскиот рез, многу жени имаат проблеми со столицата затоа што абдоменот е чувствителен и болен. Затоа е важно да пиете доволна количина на вода, да јадете здраво и да се движите со што цревата ќе бидат поактивни и ќе избегнете запек. И не грижете се: резот нема да пукне додека извршувате голема нужда.
-
Избегнувајте спиење на стомак. Спиењето на стомакот може да го продолжи времето на заздравување по операцијата, со оглед на тоа што резот е под притисок. А и онака спиењето на грб ќе ви веројатно најудобно, а на некои жени им годи и спиењето на страна.
-
Избегнувајте сексуален однос во рок од шест недели по породувањето. Сексот пред ова може да биде болен и непријатен, а и на резот му треба време да зарасне.
-
Избегнувајте да се качувате по скали најмалку две недели по царскиот рез. Ако вашата спална соба или собата на бебето е сместена на горниот спрат, преместете се привремено на приземје за да не мора секојдневно по неколку пати да се качувате горе-доле. Кога ќе почнете да ги користите скалите, одете внимателно.
-
Доколку температурата ви се покачи или чувствувате болка која не поминува, односно станува се посилна, никако немојте да ја занемарувате. Тоа може да биде знак на инфекција.
-
Избегнувајте капење во када (туширајте се), јавен базен и топла купка се додека вашиот рез не зарасне и не престанете да крвавите (и по царски рез крвавењето е вообичаено). Исто така, избегнувајте употреба на тампони.
