За време на бременоста, телото на жената целосно се менува. Од очекуваните промени во пигментацијата, хормоналниот статус, отечените гради, може да дојде и до некои необјасниви, како носот, кој, со одминувањето на бременоста се повеќе се зголемува.
Кај некои жени се јавуваат зголемени образи, растење на стапалата, отекување на очните капаци, а некогаш доаѓа до промена на пигментацијата и се менува бојата на косата кај жената. Телото на тој начин се привикнува на бебето, и го зголемува просторот во организмот. Со оглед дека коски во носот се меки, тие многу лесни го менуваат својот облик, особено кога под влијание на естрогенот и прогестеронот, доаѓа до нивно отекување.
Зошто отекува носот во бременоста?
Големиот нос е многу необична појава. Постојат неколку причини поради кои доаѓа до отекување.
- За време на првиот триместар, крвните садови се шират за да може бебето да дојде до доволна количина на крв. Со самото тоа се шират и крвните садови во синусите и во назалните премини, што предизвикува мало отекување.
- За време на последниот триместар, задржувањето на вода во лицето може да предизвика поголемо отекување на носот.
- Високиот притисок за време на бременоста може да ја предизвика оваа појава.
- Најчеста причина, сепак е промената во однос на хормоните во телото. Зголеменото ниво на естроген го зголемува дотокот на крв во мукозната мембрана, која се наоѓа под носот. Зголемениот проток на крв доведува до ширење на носниот мускул.
