Опстипацијата е проблем со кој се соочуваат речиси половина од жените за време на бременоста. Оваа појава стручњаците ја објаснуваат како последица на хормоналните промени во првите месеци од бременоста, а подоцна како резултат на зголемување на матката, која врши притисок на цревата и ја отежнува нивната работа. Сепак, не смее да се заборави ниту факторот на исхраната, која во огромна мера допринесува за пораст на бројот на трудници кои го имаат овој проблем. Земањето поголеми количини на суплементи за железо во случај на анемија, може да доведе до појава на запек.
Ништо, нагласуваат лекарите, не може да ја забави дигестијата како мрзеливоста, односно неактивноста и неконтролираноста во консумирањето храна. Познато е дека повеќето жени “си даваат себе си оддишка“ кога е во прашање исхраната за време на бременоста, главно бидејќи не сакаат “бебето да им гладува“. Но, ретко се запрашуваме дали на бебето навистина му е потребна толкава количина на процесуирана храна, слатко, масти, адтиви, газирани пијалаци…
Овие намирници не само што не се корисни за развојот на бебето, туку се и исклучително штетни, особено на подолги патеки, а истовремено се и една од главните причини за појава на запек.
Важно е да се напомене дека опстипација не е само проблем кој со себе носи непријатности.
Секое подолго задржување на храната во цревата доведува до премин на токсините во крвототокот, што неповолно влијае на здравјето на идните мајки, а посредно и на здравјето на бебето. Исто така, може да предизвика и појава на хемороиди, кои понекогаш се повлекуваат по породувањето, додека во одредени случаи продолжуваат да да се враќаат во текот на животот.
Она што охрабрува е фактот дека правилната исхрана и редовната физичка активност може во голем процент да ја превенираат појавата на овие, како и сите останати тегоби врзани за дигестијата за време на бременоста, но и по породувањето
