Инсомнија, или несоница, е нарушување на спиењето. Кај поголемите деца, тие самите можат да се пожали, но кај помалите, обично родителите забележуваат дека детето има проблем со спиењето. Последиците се најчесто чувство на ненаспаност, намалена концентрација и проблеми во секојдневното функционирање.
Инсомнијата може да биде:
- Краткотрајна – трае неколку дена или недели.
- Долготрајна – се јавува најмалку три пати неделно во период од еден месец и може да бара лекарска помош ако е предизвикана од депресија, анксиозност, болка или други состојби.
Понекогаш причината за инсомнија не е очигледна. На пример, детето може да има премногу приврзаност кон родителите и да не сака да оди во кревет.
Симптоми на инсомнија
- Тешкотии при заспивање или конзистентно буђење во текот на ноќта
- Рано будење
- Напнатост и анксиозност пред спиење
- Поспаност и намалена концентрација во текот на денот
- Проблеми во училиште и во однесувањето
- Раздразливост, промени во расположението, депресија
- Хиперактивност, намалено внимание и проблеми со меморијата
- Агресија
Причини за инсомнија кај децата
- Стрес
Децата, исто како и возрасните, можат да страдаат од стрес. Поговорете со вашето дете за тоа како се чувствува, како се справува со училишните обврски и дали нешто го вознемирува дома. - Кофеин
Некои газирани и енергетски пијалаци, чајот и какаото содржат кофеин кој може да го наруши спиењето. Ограничете ја нивната консумација кај децата. - Медицински и психијатриски нарушувања
- Астма, алергии, егзема
- Фибромиалгија, мускулни грчеви, болки во стомак
- Тироидна болест
- Нарушувања на сонот, како апнеа или синдром на „немирни нозе“
- Невро-развојни нарушувања: аутизам, ментална ретардација, Аспергер синдром
- Психијатриски состојби: депресија, биполарни нарушувања
- Надворешни фактори
- Врева, светлина, жештина или студ во спалната соба
- Неудобен кревет или душек
- Електронски уреди во просторијата
Како се дијагностицира инсомнијата?
Не постои специфичен тест за инсомнија. Дијагнозата се базира на симптомите и на исклучување на медицински, психолошки и други нарушувања на спиењето.
