Експертите апелираат никогаш да не оставате дете без надзор во автомобил, бидејќи температурата во него може да се загрее до опасни вредности дури и во постудени денови. Исто така, постои ризик детето да го заклучи автомобилот одвнатре, па нема да можете да стигнете до него.
Децата имаат побрз метаболизам од возрасните, нивната телесна температура се зголемува три до пет пати побрзо во загреана средина. Ако детето е затворено во автомобил, каде температурата во летните месеци достигнува 50 степени, топлотниот удар е неизбежен
Зошто е опасно да оставите дете само во автомобил?
Топлотен удар, срцев удар, дехидрација, гушење и смрт се главните ризици за оставање на децата во автомобил.
При надворешна температура од 27 степени, температурата во автомобилот на сонце ќе биде 37 степени за 10 минути, а дури 45,5 за половина час.
Ако надвор е 32 степени, за 10 минути ќе биде 43 степени во автомобилот што е на сонце, а за половина час ќе биде 51 степен.
А ако надвор е 35 степени, за 10 минути во автомобил на сонце ќе биде 46 степени, а за половина час 54 степени.
Исто така, бидејќи децата имаат побрз метаболизам од возрасните, нивната телесна температура се зголемува три до пет пати побрзо во загреана средина. Ако детето е затворено во автомобил, каде температурата во летните месеци достигнува 50 степени, топлотниот удар е неизбежен, а кај малиот детски организам може да дојде до смрт за само 15 минути.
Во почетокот почнуваат симптоми како замор, вртоглавица, кожата е топла, сува и црвена, детето повеќе не може да се поти, пулсот се зголемува, се јавува тахикардија, детето почнува да дише брзо, температурата се зголемува. По губењето на свеста, детето умира поради трајно оштетување прво на мозокот, а потоа на другите внатрешни органи.
Што да направите ако вашето дете или туѓо дете е некое време само во автомобилот кога надвор температурите се високи?
- Во итни случаи, ако видите дете оставено во автомобил на жешко време, веднаш побарајте помош и, ако е потребно, разбијте го прозорецот за да го спасите детето.
- Ако детето изгледа прегреано, вознемирено или се чини дека е долго заклучено во автомобилот, повикајте брза помош, а додека не пристигне брзата помош во случај на дехидрација дајте му течности.
- Ако детето е прегреано, отстранете ги дополнителните слоеви облека од него, изладете го со марамче натопено во вода доколку имате во близина.
- Ако детето е во несвест и не дише нормално, веднаш започнете со процедурата за реанимација.
Превентивни мерки
- Никогаш не оставајте дете без надзор во автомобилот, дури ни за една минута;
- Никогаш не дозволувајте му детето да си игра со вашите клучеви;
- Секогаш држете го автомобилот заклучен кога не сте во него за вашето малечко да не влезе само во него;
- Разговарајте со вашето дете да не си игра со копчињата во автомобилот;
- Ако не можете да го најдете вашето дете, секогаш проверувајте да не се сокрило во автомобилот.
