Д-р Горан Вукомановиќ, педијатар на Универзитетската детска клиника во Белград објаснува дека вирусите што предизвикуваат пролив и повраќање кај децата се сериозен проблем, педијатриските амбуланти се преполни, а и детските болнице неретко мора да примат болни деца поради лекување или примање на инфузија.
- Што е всушност норовирус?
За ротавирусот одамна се знае, додека норовирусот е помалку познат. Норовирусот е еден од најчестите причинители за повраќање и пролив кај децата, но и кај возрасните. Тој всушност е на прво место како причинител на вирусни гастроентеритиси и го има надминато и ротавирусот. Кога ќе стигне во цревата тој едноставно ги ‘чисти’ клетките што се наоѓаат на цревната слузница, што целосно гооневозможува варењето, па доаѓа до појава на водлести и обилни проливи.
- Како се пренесува?
Лесно! Норовирусот се пренесува со директен контакт со болно дете, обично со валкани раце или несоодветно стерилизирани шишенца, но и преку заразена храна и работи (играчки) кои болното дете ги користело.
Во колективите не се ретки мини епидемии на овој вирус, а за жал се случуваат и на детските одделенија по болниците – едно дете може да зарази многу други.
- Колку трае инкубацијата?
Инкубацијата (период од влез на вирусот во организмот до први знаци на болеста) е кратка – трае само 2-3 дена!
- Како се препознава инфекција со норовирус?
Бидејќи ги напаѓа желудникот и цревата, доаѓа до повраќање (некогаш и повеќе од 10 пати за неколку часа) и пролив – кој е доминантен знак на цревна инфекција. Пролив столици обично има многу (неретко и над 10 дневно), водлести се (жолтеникави, поретко зелени) и имаат интензивен мирис. Ако не се лекува, детето може да дехидрира поради губење на течности, но и електролити во организмот. Децата понекогаш се жалат на главоболка, малаксаност, а мачнината претходни на повраќање и речиси секогаш е присутна.
- Како да препознаете дека детето мора брзо на лекар?
Малаксаност, безволност и целосно губење на интерес за внес на течности се знаци на сериозна дехидрација, па итен преглед е неопходен. Потоа обично следи интравенска рехидрација – инфузија.
Колку трае?
Норовирусната инфекција е обично покуса од онаа со ротавирус, обично 2 до 3 дена. Помалите деца и децата со полош имунитет понекогаш подолго боледуваат, но ретко трае подолго од 7 дена.
- Како се поставува дијагнозата?
Основниот сомнеж на овој вирус се поставува со преглед на детето, а потврда е можна и со лабораториски тест (кој ретко е потребно да се направи).
- Дали треба да се даваат антибиотици?
НЕ! Вирусите не се лекуваат со антибиотици, но затоа треба да се внесуваат пробиотици – добри бактерии кои помагаат детето да се избори со инфекцијата на цревата!
- Дали се можни компликации?
Да, ако болеста не се дијагностицира на време, а особено ако лекувањето не почне брзо. Тогаш детето може да изгуби многу течности, но и важни електролити (соли и минерали без кои нема живот), што се нарекува дехидрација. Тешка дехидрација е по живот опасна состојба кај бебиња и мали деца, но сепак тоа ретко се случува.
