Заштитата што ја пружаат очилата во борбата со пандемијата на коронавирус е статистички значајна, велат индиските научници во студија објавена на medRxiv, која чека научна реценција.
Луѓето во просек го допираат лицето 23 пати за еден час, а очите три пати во истиот временски период
Во истата студија се тврди дека посиромашниот и помалку образованиот дел од популацијата има поголем ризик од зараза со новиот коронавирус затоа што „неадекватно се придржува до превентивните упатства“ и затоа што има навика да користи очила помалку од образованите луѓе.
Сегашната студија покажа ризик од КОВИД-19 два до три пати помал кај популацијата што носи очила отколку кај населението што не носи, истакнува Амит Кумар Саксена, еден од авторите на студијата.
Заштитната улога на очилата е статистички значајна доколку се користат подолг период во текот на денот. Допирањето и триењето на очите со контаминирани раце може да биде значаен пат до инфекција, додава тој.
Во студијата се истакнува дека луѓето во просек го допираат лицето 23 пати за еден час, а очите три пати во истиот временски период.
Заштитната улога на очилата е статистички значајна доколку се користат подолг период во текот на денот. Допирањето и триењето на очите со контаминирани раце може да биде значаен пат до инфекција
Болеста се пренесува со допирање на лицето, носот, устата и очите. Допирањето на носот и устата значително се намалува со носење на маската на правилен начин. Но, носењето маска не ги штити очите, стои во студијата
Во истражувањето учествувале 304 пациенти со КОВИД-19, а нивните навики за носење очила биле оценети врз основа на прашалник и споредени со постојните студии спроведени врз општата популација.
Истражувачите кои ја спроведоа студијата велат дека 58 пациенти од вкупно 304 носеле очила континуирано за време на активностите надвор од домот.
Студијата препорачува здравствените работници да користат штитови за лице и медицински очила за да ги заштитат и очите, пишува „Мирор“.
