Во последниве години, нежното родителство стана популарна тема. Оваа идеологија се фокусира на тоа да не се биде груб во дисциплинирањето на децата. Наместо тоа, ги учиме на смирен начин и не ги критикуваме.
Нова студија полна со изненадувања
Меѓутоа, студија спроведена од истражувачи од Државниот универзитет во Колорадо открила дека строгоста и дисциплината имаат позитивно влијание врз растот и развојот на децата. Освен тоа, строгото време за спиење всушност може да ја подобри меморијата и развојот на мозокот кај децата.
Во истражувањето биле вклучени 94 деца на возраст од пет до девет години, од различно економско потекло.
Авторот на студијата, професорката Емили Мерц вели:
„Недостатокот на сон може да се поврзе не само со структурата на мозокот, туку и со функцијата на мозочните кола за обработка на емоциите кај децата. Ова би можело да објасни зошто намалениот сон води до поголема чувствителност на негативни емоции“.
Иако повеќето истражувања за развојот на спиењето се фокусираат на тинејџерите, ова истражување ја нагласува важноста од проценка и поддршка на здравјето на спиењето на децата пред да влезат во адолесценција, објаснува Мерц.
Чувствителен период
„Детството е чувствителен период во развојот кога искуствата од околината можат да имаат силно и трајно влијание врз мозокот“, истакнува таа.
Посебно истражување на Академијата на науките во Северна Каролина покажало дека тинејџерите имаат подобри резултати на тестовите откако спиеле осум часа и не користеле мобилни телефони пред спиење.
Значи, додека нежното родителство има свои придобивки, дисциплината може да биде клучна за здрав развој на детето.
