♦♦♦♦♦♦♦
Пациентите со коронавирус не можат да заразат други лица после 11. ден од болеста дури и ако нивниот тест направен на 12. ден е се уште позитивен на COVID-19, откриваат научниците.
Инфицирано лице со коронавирус станува заразно околу два дена пред да се појават симптомите, откриле истражувачите од Сингапур.
Научниците од Националниот центар за инфективни болести во Сингапур и Академијата за медицина испитувале 73 пациенти со коронавирус
Потоа овие лица остануваат заразни помеѓу седум и десет дена откако ќе започнат да покажуваат знаци на болеста, кои вклучуваат висока температура и континуирана кашлица.
Научниците од Националниот центар за инфективни болести во Сингапур и Академијата за медицина испитувале 73 пациенти со коронавирус. Тие истражувале дали вирусот дали може да се пренесе од нив на некој друг, пишува „Њујорк пост“.
Авторите на студијата напишаа: „Врз основа на акумулираните податоци од почетокот на пандемијата COVID-19, инфективниот период на коронавирус кај симптоматски лица може да започне околу два дена пред почетокот на симптомите и да опстојува околу седум до десет дена по почетокот на симптомите“.
Пациентите може се уште да бидат позитивни на тестот за COVID-19 после две недели, но тестовите може да содржат фрагменти кои повеќе не се одржливи за ширење на инфекцијата, изјавија истражувачите. „Активната вирусна репликација опаѓа брзо после првата недела, а одржлив вирус не е пронајден после втората недела од болеста“.
Научниците се надеваат дека нивното истражување за способноста за ширење на болеста би можело да им помогне на болниците кога да ги испратат пациентите дома.
