Словенија има два случаи на новата подваријанта на омикрон, наречена BA.2, чии карактеристики сè уште не се целосно познати, објави вчера словенечката лабораторија за здравје, животна средина и храна, која секвенционира примероци заразени со коронавирус.
Анализата на подваријантата BA.2 е во тек. „Сè уште нема убедливи докази дека BA.2 предизвикува потежок тек на болеста од BA.1“, вели Мери Чанд, директорка во UK Health Security Agency (UKHSA)
Споменатата подваријанта е веќе евидентирана во 40 земји, но нејзините карактеристики се уште не се истражени и јасни, иако според некои податоци станува збор за подваријанта уште позаразна од претходните соеви, која не предизвикува посилни симптоми, пишуваат словенечките медиуми.
Уште од првиот сој на омикрон BA.1, познато е дека се шири побрзо од претходните соеви на коронавирус. Но, колку е опасен омикрон BA.2?
Брзото ширење на оваа подваријанта сугерира дека би можела да биде уште позаразна од првата варијанта на сојот омикрон BA.1. UK Health Security Agency (UKHSA) го рангираше BA.2 меѓу „соеви кои се набљудуваат“.
„Во природата на вирусите е да се размножуваат и мутираат“, рече Мира Чанд, директорка во Британската здравствена агенција. „Значи, може да се очекува дека ќе има повеќе соеви за време на пандемијата“.
Со оглед на тоа дека здравствените установи ја истражуваат генетската структура на вирусот, можно е да се идентификуваат нови соеви и да се процени колку се опасни новите мутации. Анализата на подвидот BA.2 е во тек. „Сè уште нема убедливи докази дека BA.2 предизвикува потежок тек на болеста од BA.1“, вели Чанд.
Подваријантата BA.2 е веќе евидентирана во 40 земји, но нејзините карактеристики се уште не се истражени и јасни, иако според некои податоци станува збор за подваријанта уште позаразна од претходните соеви, која не предизвикува посилни симптоми
Постои ли опасност од рекомбинација на делта и омикрон? Германскиот виролог Кристијан Дростен од Универзитетската клиника Шарит во Берлин изјави во интервју за германската радио станица „Deutschlandfunk“ дека спојувањето на делта со еден од подвидовите на омикрон може да развие уште поопасен вирус. Омикрон има одредени мутации на површинскиот протеин т.н. спајк-протеин со чија помош може полесно да го заобиколи имунолошкиот систем.
Особено опасна би можела да биде рекомбинацијата на вирус кој би носел шилест протеин на омикрон, а остатокот од геномот од делта сојот на коронавирус, рече Дростен. Ова би значело поврзување на најсилните особини на двата соја. „Такво нешто постои, тоа е веќе опишано, може да стравуваме дека такво нешто може да се случи“, рече Дростен.
Сепак, научниците се убедени дека со адаптирање на вакцините можат да стават крај и на ваквите нови соеви. Германскиот производител на вакцини BioNTech и неговиот американски партнер Pfizer почнаа да спроведуваат клиничка студија за вакцина прилагодена на сојот омикрон. Нејзината безбедност, подносливост и ефективност треба да се проверат, соопштија двете компании, а пренесува „Дојче Веле“.
