Кај децата кај кои ќе се развие редок, но по живот опасен мултисистемски воспалителен синдром поврзан со КОВИД-19 (MIS-C), срцевата функција почнува да се опоравува во рок од една недела од дијагнозата и срцето се враќа во нормала во рок од три месеци, покажале резултатите од нова студија.
Приближно четири до шест недели по изложеноста на КОВИД-19, MIS-C кај децата може да предизвика воспаление на срцето, белите дробови, бубрезите и гастроинтестиналните органи.
Во 80 проценти од случаевите, болеста влијае на детската лева срцева комора која пумпа крв во остатокот од телото.
Научниците проучиле случаи на 60 деца хоспитализирани со мултисистемски воспалителен синдром, од кои кај 70 отсто постоеле докази за оштетување на срцевиот мускул и 60 здрави деца со здраво срце.
Ехокардиографијата и магнетната резонанца покажале дека сите абнормалности кај хоспитализираните деца “исчезнале во првата недела, по што следело континуирано подобрување и во претстојните три месеци целосна нормализација на состојбата“, објавија научниците во списанието Journal of the American Heart Association.
Тие истакнуваат дека кај половина од децата промените во функцијата на срцето поврзани со мултисистемскиот воспалителен синдром исчезнале во рок од шест дена.
Студијата не го евалуирала текот на останатите последици.
Д-р Анирбан Банерџи од Детската болница во Филаделфија вели дека “опоравувањето кај децата поминало одлично“, додавајќи дека воочени наоди исклучително значајни за лекување на децата со овој синдром (MIS-C).
“Тие може да ни обезбедат и насоки кога е во прашање постапно враќање на спортските активности по опоравување на детскиот срцев мускул, а тоа е три до четири месеци подоцна“, додаваат научниците.
