Вакцината на Бионтек/Фајзер против новиот коронавирус кај повозрасните лица произведува три и пол пати поголем одговор на антитела кога втората доза ќе се одложи до 12 недели по првата, покажало британско истражување.
Студијата чии резултати се објавени во петокот е прва која директно го споредува создавањето на антитела по тринеделно растојание на двете дози како што препорачува Бионтек/Фајзер и продолжениот период до 12 недели помеѓу давањето на двете дози, што во недостигот на вакцини многу земји го воведоа како би опфатиле многу повеќе луѓе со првата доза и така барем делумно да заштитат што поголем број на луѓе од коронавирусната болест.
Откако Велика Британија исто така воведе поголемо растојание помеѓу двете дози вакцина, производителите на Фајзер вакцината рекоа дека нема податоци кои би им дале на научниците подлога за таква одлука.
Но, компаниите признаа дека јавноздравствените интереси да се заштити што поголем број на население, може да земат предвид. Тогаш истражувањата веќе покажаа дека и една доза Фајзер вакцина нуди значајна заштита од болеста КОВИД-19.
“Нашата студија покажува дека пикот на одговорот со антитела по втората доза Фајзер вакцина е изразено зајакнат кај повозрасните лица кога е одложена до 12 недели“, вели авторката на студијата Хелен Пари од Универзитетот Бирминген.
Во многу европски земји почна да се дава Фајзер вакцината пред да биде донесена одлуката за продолжување на времето помеѓу двете дози, па мал е бројот на лица довакцинирани со втора доза по 21 ден, според препораките на производителот.
Студијата која се уште нема поминато здравствена рецензија опфатила 175 лица на возраст од 80 до 99 години и утврдила дека продолжувањето на временското растојание помеќу двете дози до 3,5 пати го зголемува пикот на создавање на антитела во споредба со лицата кои втората доза вакцина ја примиле по три недели.
Антителата се дел од имуниот систем, а вакцината поттикнува и создавање на Т-клетки кои исто така учествуваат во одбрана на организмот од инфекции.
Пикот на Т-клетките бил поголем во групата што примила втора доза вакцина по три недели, па авторите на истражувањето предупредиле дека се уште не може да извлечат заклучок за степенот на заштита што некое лице го има во зависност од периодот помеѓу двете дози вакцина.
Но, земањето предвид на тие податоци во комбинација со степенот на заштита што ја нуди веќе првата доза вакцинаод хоспитализација и смрт од КОВИД-19, Заводот за јавно здравје на Англија оценил дека студијата дополнително го поткрпеува британскиот пристап на вакцинирање кај кој е зголемен временскиот период помеѓу двете дози вакцина и така со прва доза се опфатени поголем број на лица.
