Возбудата околу бременоста и пристигнувањето на бебето расте со месеци, сите со нетрпение очекуваат да го запознаат малечкото. Но, кога конечно ќе пристигне бебето, многу родители се соочуваат со дилемата како да се справат со нетрпеливите посетители кои сакаат да го запознаат и подржат новиот член на семејството. Д-р Шенон Глен-Ото, педијатар во Johns Hopkins All Children’s Hospital во Сент Питерсбург, Флорида, споделува корисни совети за новопечените родители кога станува збор за посетите.
Новороденчињата немаат развиен имунолошки систем, па затоа имаат поголем ризик да развијат инфекции од бактерии и вируси. Исто така, кај нив е поголема веројатноста да се развијат сериозни инфекции, како што се сепса и менингитис
Дали е во ред посетителите да доаѓаат и да го држат моето новороденче?
Толку долго сте чекале да го запознаете вашето малечко, а сигурно и вашите блиски пријатели и семејството. Нема универзално правило кога станува збор за посетителите, но важно е родителите да постават граници и да преземат мерки на претпазливост за бебето да остане здраво. Добро е да се ограничи бројот на луѓе со кои новороденчето ќе има близок контакт. Размислете за можноста поширокото семејство и пријателите да почекаат два до три месеци, кога имунолошкиот систем на бебето ќе биде посилен, пред да дојдат во посета.
Дали новороденчињата се почувствителни на бактерии и вируси?
Да, новороденчињата немаат развиен имунолошки систем, па затоа имаат поголем ризик да развијат инфекции од бактерии и вируси. Исто така, кај нив е поголема веројатноста да се развијат сериозни инфекции, како што се сепса и менингитис.
Многу е важно посетителите да немаат никакви симптоми на болест. Секој со температура, настинка, кашлица, дијареја или други симптоми не треба да го посетува бебето сè додека не оздрави целосно
Новороденчињата сè уште ја немаат заштитата од вакцини, а нивната крвно-мозочна бариера (која ги спречува инфекциите да навлезат во мозокот) не е целосно развиена. Поради тоа, секое новороденче помладо од три месеци со температура над 38 °C се смета за итен случај.
Кои се добри хигиенски практики кога некој првпат се запознава со бебето?
Секој што доаѓа во близок контакт со новороденче треба прво да ги измие рацете. Добро е и да се отстрани накитот од рацете. Колку и да се примамливи бебешките обравчиња, посетителите не треба да го бакнуваат бебето или да му бидат премногу блиску до лицето, бидејќи устата носи многу бактерии. Носењето маска може дополнително да помогне во намалување на ширењето на вируси. Многу е важно посетителите да немаат никакви симптоми на болест. Секој со температура, настинка, кашлица, дијареја или други симптоми не треба да го посетува бебето сè додека не оздрави целосно.
Што ако семејството не се чувствува комотно со посети толку рано?
Сигурно многумина ќе сакаат да го гушкаат новороденчето, но најважно е вие да го направите она што е најдобро за вас и вашето бебе. Раѓањето и грижата за новороденче е возбудливо, но и заморно, дури и без дополнителниот притисок од околината. Родителите треба да постават јасни граници за тоа кого ќе примат во посета.
Секој што доаѓа во близок контакт со новороденче треба прво да ги измие рацете. Добро е и да се отстрани накитот од рацете. Колку и да се примамливи бебешките обравчиња, посетителите не треба да го бакнуваат бебето или да му бидат премногу блиску до лицето
Може уште однапред да им кажете на блиските дека ќе ги ограничите посетите за доброто на бебето, и дека ќе им јавите кога ќе бидете подготвени да примате гости. Нагласете дека ова се прави за заштита на здравјето на бебето. На крајот, тоа е ваше бебе и вашата одлука е сосема оправдана. Не должите објаснување на никого, освен ако самите не сакате да го дадете.
Дали посетителите треба да бидат вакцинирани?
Да, бидејќи новороденчињата полесно развиваат инфекции, особено пред да ги примат своите вакцини. Една од овие инфекции е пертусис или магарешка кашлица, која може да биде многу опасна за бебињата. Сите посетители треба да имаат примено DTap вакцина (дифтерија, тетанус, голема кашлица) за да се спречи магарешка кашлица. Ако е сезона на грип, важно е да ја имаат примено и годишната вакцина против грип, бидејќи грипот може да биде животозагрозувачки за доенчињата. Исто така, добро е посетителите да бидат вакцинирани и против КОВИД-19, со примени бустери. Сите вакцини треба да се примат најмалку две недели пред посетата за да бидат ефикасни.
А што е со излегувањето на бебето во светот?
Ограничувањето на изложеноста на бебето на места со многу луѓе во првите месеци го намалува ризикот од инфекции. Обично се препорачува да се избегнуваат гужви, како трговски центри, авиони или забавни паркови, сè додека имунитетот на новороденчето не зајакне. Ако се чувствувате затворени дома, изнесете го бебето надвор на прошетка или во двор – само внимавајте да го заштитите согласно временските услови.
Уште еден совет за родителите…
Периодот со новороденче е неповторливо искуство и треба да биде прослава за вас и за вашите блиски. Чувањето на бебето безбедно во овој период е најважно, но не заборавајте исто така да се грижите и за себе.
