Иако многумина експерти тврдат дека родителскиот инстикт веднаш се развива и дека родителите веднаш ќе знаат што треба да направат во некои ситуации, постојат моменти кога може да биде многу тешко и помалку застрашувачки. Ова се моментите кога родителот може да се чувствува преплашено, што е сосема нормално, особено ако тоа е негово прво дете.
Прво доење
Моментот кога мајката треба прв пат да го нахрани своето бебе, иако тој процес е сосема природен, може да биде исклучително тежок. Можеби ќе доживеете да околината мисли оти треба да бидете супер мајка која се знае и нема никаков проблем, но не обрнувајте внимание на тоа.
Прво капење
Малите бебиња се нежни и може да ви се чини дека се “кршливи“. Подгответе с што треба и полека искапете го бебето. На почетокот полека прво малку намокрете го, па ќе се чувствувате посигурно. Не брзајте, верувајте му на својот инстикт.
Прво сечење нокти
Детските прстиња се толку мали и нежни да родителите може да се чувствуваат немоќно особено кога се движат. Наоружајте се со внимание и полека средете ги ноктите на детето. Со тек на време тоа ќе ви стане рутина, и нема да чувствувате страв.
Прво силно бебешко плачење
Многу родители се сеќаваат на тој звук. По излегувањето од болница, ќе почнете да ги слушате сите звуци. Како бебето се помрднало и дали малку заплакало. Кога ќе го слушнете првиот силен крик од своето бебе, кој се претвора во големо дерење, може да почувствувате паника: Што се случува, го боли ли нешто?. Таквата паника ја минува секој родител, а со тек на времето ќе научите што бебето зборува низ својот плач.
