Ново истражување открило дека три се главните причини за дебелина кај децата: неконзистентност на оброците, времето поминато пред телевизор или компјутер и она најважното, спиењето. Според анализата, придржувањето кон дневната рутина може да влијае на телесната тежина кај децата. Под рутина се подрзабира земање на главни оброци во исто време, контрола на времето поминато пред телевизор, телефон или компјутер, но и колку време минуваат спиејќи.
Научниците ги следеле навиките на 11.000 деца родени помеѓу 2001 и 2002 година во Велика Британија. Она што е потврдено е дека децата кои се придржуваат на рутина во наведените ставки се до тинејџерскиот период имаат подобра линија и се многу поздрави. Земајќи го тоа предвид, истражувачите веруваат дека клучот лежи во едукација на децата за тоа како да се одржува психичкото и физичкото здравје.
Еден од загрижувачките податоци од истражувањето е дека кај децата постари од три години, дури 59% од нив немале дефинирано време за спиење, а речиси половина од испитаните немале редовни оброци.
Кога повторно, по 11 години биле испрашувани, 9% од тие деца биле со прекумерна телесна тежина и тоа сите оние кои немале дефинирана рутина и кои спиеле недоволно време.
