Доколку бебето не е алергично на млечни производи, сирењето се воведува помеѓу 8. и 10. месец од животот. Ако постои сомнеж дека бебето е алергично (било на протеини од млеко или има интолеранција на лактоза), тогаш треба да се причека со воведувањето на сирењето на исхраната.
Како и секогаш, треба да се консултирате со вашиот педијатар за воведувањето нови намирници во бебешката исхрана.
Сирењето е одличен за бебињата, оти е богат со калциум, добри масти и протеини.
- Дали “меките” сирења се погодни за исхраната на бебето?
Сирењата како што се бри, фета, камембер, сино сирење се меѓу оние што се нарекуваат “soft” или “меки” сирења. Овие сирења обично се направени од сурово млеко. Кремсирот не се смета за меко сирење, бидејќи е пастеризирано.
НИКОГАШ не им ги давајте домашните сирења купени на пазарот или испратени од село. Преку нив децата најлесно се инфицираат со листерија. Бебињата треба да јадат само пастеризирани сирења.
Најбезбедни видови сирења се рикотата, крем сирење, преработени сирења и тврди сирења како чедар и пармезан.
Исто така, производи како јогурт генерално се сметаат за безбедни за бебињата и за бремените жени. Секогаш проверувајте ја декларацијата за да бидете сигурни дека производот е направен од пастеризирано млеко.
Најлесен начин за бебето да го прифати сирењето е да се прилагоди на текстурата. Ако сирењето е премногу тврдо или лепливо, можно е бебето да него јаде од оваа причина. Не би било лошо да се изренда малку сирење и да го помешате со една лажица јогурт за да добиете мазна и мека мешавина.
