Ананасот е вкусно, здраво овошје богато со витамин Ц, Б и магнезиум. Иако се има тенденција ананасот да се класификува како цитрусно овошје, тоа не е такво овошје. Ананасот треба да му се понуди на бебето кога ќе наполни една година. Тој не е голем алерген, но во себе содржи лимонска киселина, која може да го изиритира стомачето на бебето и да доведе до осип.
Можни реакции на ананасот се:
- Осип
- Гасови или надуеност
- Дијареа
- Повраќање
Дури и конзервираниот ананас може да предизвика сличен ефект, иако реакцијата е поекстремна со свеж.
Во зависност од тежината на алергиската реакција кај детето, треба да почекате неколку месеци пред повторно на бебето повторно да му понудите ананас. Или посоветувајте со педијатарот за повторно воведување.
При купување на ананас, за разлика од друго овошје, не треба да се гледа големината – голем или мал, вкусот, текстурата и нутритивната вредност нема да биде помала, туку ќе биде иста. Тој треба да мириса слатко и пријатно. За да проверите дали е свеж, може и да извлечете едно ливче, кое треба да излезе лесно ако плодот е зрел. Незрелиот ананас може да предизвика дијареа, иритација на грлото и повраќање.
Се чува на собна темепература неколку дена пред да се послужи или искористи, со што се подобрува текстурата. Може да се чува во фрижидер околу пет дена, но ако е подготвен за бебе, најмногу 48 часа.
