Кивито е исклучително богат со витамини А и Ц и содржи речиси двојно повеќе витамин Ц, отколку портокалот или лимонот. Кивито изобилува и со витамините Е и К, како и разни минерали меѓу кои се истакнува калиумот, калциумот, фосфорот, магнезиумот, железото, цинкот и бакарот.
Кивито не е голем алерген, но е кисел. Киселоста на плодот може да предизвика осип во устата кај бебето, па поради тоа пожелно е да се почека бебето да наполни 12 месеци, за да му се понуди киви. Секако, секогаш прво консултирајте се со вашиот педијатар за воведувањето на нови намирници кај вашето бебе.
Едно киви дневно ги задоволува дневните потреби за калиум и витамин Ц, дури и за возрасно лице. Така што, дозата за бебето е најмногу едно киви дневно.
При воведувањето почнете со мали дози, така што кивито ќе го искомбинирате со некое друго овошје. Овошје кое најдобро се комбинира со киви е: авокадо, јаболка, праска, крушка…
Дали е потребно да се исчисти семето од кивито?
Семето не треба да се отстранува, оти е многу ситно и не би требало да претставува опасност од гушење, а ова семе содржи и мали количини омега-3 масни киселини. Не грижете се, нормално е да видите семе во бебешката пелена.
