Научниците го испитувале начинот на исхрана на бремените жени и утврдиле како тоа влијае врз плодот, но сега е направена студија која ги испитувала гените на родителите и нивното влијание врз физичкиот изглед на децата.
Нашата висина е околу 70 проценти генетски предодредена, а 30 проценти зависи од начинот на живот, тврдат научниците. Но, постојат многу различни гени вклучени во висината на детето. Жените генерално престануваат да растат во висина со околу 15 години, додека мажите продолжуваат да растат уште 3 години. Поради оваа причина, мажите се обично повисоки од жените. А често жените се мажат за некој малку повисок, што ќе ги направи и нејзините деца повисоки.
За да бидат пониски, жената мора да се омажи со некој кој е понизок од неа. Истражувачите од британската болница „Ројал Девон и Ексетер“ тврдат дека колку е повисок таткото, толку ќе биде подолго и потешко нивното бебе.
Тежината на таткото има помало влијание врз тежината на детето
Студиите сугерираат дека дебел татко по се изгледа не е причина за детето исто така да има прекумерна телесна тежина. Сепак, друга студија сугерира дека мажите со прекумерна тежина можат да влијаат на развојот на мозокот на нивното дете и да ја забават фината моторика.
Вишокот тежина на мајката може да има влијание врз нејзините деца
Тим од болницата „Ројал Девон и Ексетер“ открил дека, за разлика од татковците, мајките влијаат на своите деца ако имаат прекумерна тежина.
Ова веројатно се заснова на опкружувањето во матката, бидејќи мајките со прекумерна тежина се со поголема веројатност да имаат поголемо ниво на шеќер во крвта. Тие проучувале околу 1.000 семејства, истражувајќи ја тежината и висината на жените и мажите и нивните заеднички бебиња во најраните години од животот.
Д-р Најт заклучува дека тежината на мајката е еден од клучните фактори што има огромно влијание врз тежината на идното бебе.
Ова е прв пат научниците навистина да успеат да ги откријат и објаснат ефектите на гените на родителот врз тежината и висината на бебето и е значаен показател за целокупното здравје.
