Ако ви се чини дека вашето дете се однесува сосема поинаку кога е со вас отколку со партнерот, не сте единствени. Мајка на социјалните мрежи ова го отвори како тема која брзо стана вирална – зошто децата стануваат неподносливи со својата мајка, додека се како ангели со својот татко? Нејзиниот одговор е: „Бидејќи мајката не е само родител, таа е емоционална поддршка на детето“.
Таа објаснува дека во повеќето случаи татковците не се подобри во поставувањето граници, туку дека мајката е личноста која почесто го носи емоционалниот товар и личноста со која детето има најдлабока поврзаност.
Со неа се согласуваат и експертите. Терапевтот Кристал Брит објаснува: „Во повеќето семејства, едното дете има посилна емоционална врска со едниот родител. Тој родител станува емоционална поддршка, додека другиот, ако не е активно вклучено во емотивниот дел од родителството, често останува на страна и мисли дека е „лесно“ со децата.
Детскиот психијатар д-р Зишан Кан вели дека е сосема нормално децата да му го покажат своето „вистинско јас“ на родителот со кој се чувствуваат најбезбедно.
“Децата најмногу ќе ги покажуваат своите емоции на личноста на која најмногу и веруваат. Ако знаат дека таа личност ги сака безусловно, без оглед на нивното однесување, тие ќе се чувствуваат слободни да бидат ранливи, дури и ако тоа вклучува гнев или солзи”, објаснува д-р Кан.
Со други зборови, ако вашето дете најмногу изразува фрустрација, тоа не е затоа што правите нешто погрешно. Тоа е знак на доверба. Колку и да е тешко, всушност е комплимент.
